ప్రస్తుతం మన టాలీవుడ్ లో పలు కొత్త రిలీజ్ లతో పాటుగా రీరిలీజ్ లు కూడా వస్తున్నా సంగతి అందరికీ తెలిసిందే. వీటిలో కొన్ని రోజులు కితమే మెగాస్టార్ చిరంజీవి నటించిన “ఇంద్ర” రీ రిలీజ్ కి రాగా ఈ సినిమా తర్వాత మన సీనియర్ హీరో అక్కినేని నాగార్జున బర్త్ డే కానుకగా తన కెరీర్ భారీ హిట్ చిత్రం “మాస్” కూడా రీ రిలీజ్ కి వచ్చింది. కొంచెం లిమిటెడ్ గానే రిలీజ్ కి వచ్చిన ఈ చిత్రం చూసి అభిమానులు ఇప్పుడు ఎంజాయ్ చేస్తుండగా ఈ చిత్రంతోనే కింగ్ నాగ్ తన ఫ్యాన్స్ కి థియేటర్స్ లో ఒక ఊహించని గిఫ్ట్ ని అందించారు.
మాస్.. అది ఇది కాదు కానీ అక్కినేని అభిమానులు ఎపుడు నుంచో అవైటెడ్ గా ఎదురు చూస్తున్న సినిమా ఏదన్నా ఉంది అంటే అది సంచలన దర్శకుడు రామ్ గోపాల్ వర్మతో చేసిన ట్రెండ్ సెట్టింగ్ హిట్ చిత్రం “శివ” కోసమే అని చెప్పాలి. మరి ఈ చిత్రం రీరిలీజ్ టీజర్ ని అయితే మాస్ థియేటర్స్ లో వేసినట్టుగా ఇప్పుడు అభిమానులు సోషల్ మీడియాలో ఆ క్లిప్స్ షేర్ చేసుకుంటున్నారు. ఈ రీ రిలీజ్ కి వెళితే అందులో శివ రీ రిలీజ్ ట్రీట్ ఇవ్వడమే కాకుండా అతి త్వరలోనే ఆ సినిమాని విడుదల చేస్తాం అంటూ ఫిక్స్ చేశారు. దీనితో అక్కినేని అభిమానులకి పెద్ద గిఫ్ట్ నే ప్లాన్ చేస్తున్నారని చెప్పాలి.