టాలీవుడ్‌లో వరుసగా సినిమాలు చేస్తూ సక్సెస్ అందుకుంటున్న యంగ్ హీరో శ్రీ విష్ణు ఇప్పుడు మరోసారి ప్రేక్షకులను అలరించేందుకు సిద్ధమయ్యాడు. దర్శకుడు హసిత్ గోలి తెరకెక్కిస్తున్న ఈ సినిమాలో శ్రీ విష్ణు ఒకటి కాదు రెండు కాదు.. ఏకంగా నాలుగు పాత్రల్లో నటిస్తుండటం విశేషం. ఇక ఈ సినిమాకు సంబంధించిన ఇంట్రెస్టింగ్ పోస్టర్స్, వీడియో గ్లింప్స్, సాంగ్ ప్రేక్షకుల్లో ఈ సినిమాపై మంచి బజ్‌ని క్రియేట్ చేశాయి.
తాజాగా ఈ చిత్ర టీజర్‌ని మేకర్స్ రిలీజ్ చేశారు. ఈ టీజర్ ఆద్యంతం సరికొత్త కంటెంట్‌తో ఆడియెన్స్‌ను ఆకట్టుకుంటుంది. శ్రీ విష్ణు నుంచి కావాల్సినంత కామెడీ డోస్‌ను పంచుతూ, ఈ సినిమాలో ఆయన పర్ఫార్మెన్స్‌తో ప్రేక్షకులను మైమరపించేందుకు మేకర్స్ రెడీ అయ్యారు. ఇక ఆయన నాలుగు పాత్రల్లో తనదైన పర్ఫార్మెన్స్‌తో ఇంప్రెస్ చేయనున్నారు. అటు అందాల భామ రీతూ వర్మ కూడా సాలిడ్ పర్ఫార్మెన్స్ ఇచ్చినట్లుగా ఈ టీజర్ చూస్తే అర్థమవుతోంది. ఈ టీజర్ ఆద్యంతం శ్రీ విష్ణు వన్ మ్యాన్ షో‌గా సాగింది.
ఆసక్తికరమైన కంటెంట్‌తో దర్శకుడు హసిత్ గోలి, శ్రీ విష్ణులు తమ ‘స్వాగ్’ చూపెట్టేందుకు త్వరలోనే థియేటర్లలోకి రానున్నారు. ఈ సినిమాలో మీరా జాస్మిన్, దక్ష నగర్కర్, శరణ్య ప్రదీప్, సునీల్, రవిబాబు, గెటప్ శ్రీను తదితరులు ఇతర ముఖ్య పాత్రల్లో నటిస్తున్నారు. వివేక్ సాగర్ సంగీతం అందిస్తున్న ఈ చిత్రాన్ని పీపుల్ మీడియా ఫ్యాక్టరీపై టి.జి.విశ్వ ప్రసాద్ ప్రొడ్యూస్ చేస్తున్నారు.
టీజర్ కోసం ఇక్కడ క్లిక్ చేయండి