కోలీవుడ్ స్టార్ యాక్టర్, సూపర్ స్టార్ రజినీకాంత్ ప్రధాన పాత్రలో, దర్శకుడు లోకేష్ కనగరాజ్ దర్శకత్వంలో తెరకెక్కుతున్న యాక్షన్ ఎంటర్టైనర్ కూలీ. ఈ చిత్రం టైటిల్ లుక్ గ్లింప్స్ వీడియోకు ప్రేక్షకుల నుండి, అభిమానుల నుండి సూపర్ రెస్పాన్స్ వచ్చింది. అయితే ఈ చిత్రంలో నటిస్తున్న కీలక నటీనటుల అప్డేట్స్ ను మేకర్స్ రిలీజ్ చేయనున్నట్లు వెల్లడించిన సంగతి తెలిసిందే.
ఈ చిత్రంలో టాలీవుడ్ స్టార్ హీరో, కింగ్ నాగార్జున సిమోన్ పాత్రలో కనిపించనున్నాడు. ఇదే విషయాన్ని మేకర్స్ సరికొత్త పోస్టర్ ద్వారా వెల్లడించారు. నాగ్ ఫస్ట్ లుక్ చాలా పవర్ ఫుల్ గా, స్టైలిష్ గా ఉంది. సన్ పిక్చర్స్ పతాకంపై నిర్మిస్తున్న ఈ చిత్రానికి రాక్ స్టార్ అనిరుధ్ రవి చందర్ సంగీతం అందిస్తున్నాడు. ఈ చిత్రానికి సంబంధించిన మరిన్ని వివరాలు త్వరలో వెల్లడి కానున్నాయి.