పాన్ ఇండియా రెబల్ స్టార్ ప్రభాస్ హీరోగా దీపికా పడుకోణ్ అలాగే దిశా పటాని ఫీమేల్ లీడ్ లో దిగ్గజ నటుడు కమల్ హాసన్, అమితాబ్ బచ్చన్ లాంటి వారి కలయికలో దర్శకుడు నాగ్ అశ్విన్ తెరకెక్కించిన సెన్సేషనల్ హిట్ చిత్రం “కల్కి 2898 ఎడి” కోసం అందరికీ తెలిసిందే. మరి ఎన్నో అంచనాలు నడుమ వచ్చిన ఈ చిత్రం వాటిని రీచ్ అయ్యి అదరగొట్టింది. ఇక రీసెంట్ గా ఓటిటిలో కూడా రిలీజ్ అయ్యి ఇందులో కూడా సాలిడ్ రెస్పాన్స్ ని అందుకోగా కల్కి పార్ట్ 2 కోసం కూడా చాలా మంది ఎదురు చూస్తున్నారు.
అయితే మొదటి సినిమా రిలీజ్ అయ్యిన తర్వాత నిర్మాత అశ్వినీదత్ పార్ట్ 2 షూటింగ్ చాలానే పూర్తయ్యింది రిలీజ్ కూడా అతి త్వరలోనే ఉంటుంది అని క్లారిటీ ఇచ్చారు. కానీ ఇప్పుడు తన యంగ్ ప్రొడ్యూసర్ స్వప్న దత్ మరింత క్లారిటీ అందించారు. కల్కి పార్ట్ 2 చిత్రీకరణ దాదాపు వచ్చే ఏడాదిలో స్టార్ట్ అవుతుంది అని అక్కడ నుంచి మొదలై సినిమాని 2028లో రిలీజ్ కి తీసుకొచ్చే సన్నాహాలు చేస్తున్నట్టుగా ఊహించని ట్విస్ట్ ఇచ్చారు. సో రెబల్ ఫ్యాన్స్ అంతా ఈ భారీ సినిమా కోసం అప్పుడు వరకు ఆగాల్సిందే అని చెప్పాలి.