యంగ్ బ్యూటీ నివేదా థామస్ మెయిన్ లీడ్‌లో నటిస్తున్న తాజా చిత్రం ‘35 – చిన్న కథ కాదు’ ఇప్పటికే ప్రేక్షకుల్లో మంచి బజ్‌ని క్రియేట్ చేసింది. కొంత గ్యాప్ తరువాత నివేదా థామస్ ఈ సినిమాతో కమ్ బ్యాక్ ఇస్తుండటంతో ప్రేక్షకులు ఈ సినిమాను చూసేందుకు ఆసక్తిగా ఉన్నారు. ఇక ఈ సినిమా టీజర్, పోస్టర్స్, సాంగ్స్ అంచనాలను క్రియేట్ చేశాయి. నందకిషోర్ ఈమని డైరెక్ట్ చేస్తున్న ఈ సినిమాను సెప్టెంబర్ 6న రిలీజ్ చేస్తున్నట్లు మేకర్స్ ఇప్పటికే అనౌన్స్ చేశారు.
అయితే, ఈ సినిమాపై కాన్పిడెంట్‌గా ఉన్న మేకర్స్ ఈ చిత్రాన్ని స్పెషల్ ప్రీమియర్స్ వేసేందుకు రెడీ అవుతున్నారు. సెప్టెంబర్ 4, 5 తేదీలలో ఈ మూవీ స్పెషల్ ప్రీమియర్స్ వేయబోతున్నారు. AMB, AAA సినిమాస్‌లలో ఈ చిత్రాన్ని స్పెషల్ ప్రీమియర్స్ వేస్తున్నట్లు.. దీనికి సంబంధించిన ఆన్‌లైన్ టికెట్ బుకింగ్స్ కూడా ఓపెన్ చేసినట్లు మేకర్స్ తెలిపారు.
ఇక ఈ సినిమాలో విశ్వ, ప్రియదర్శి, గౌతమి తదితరులు ఇతర ముఖ్య పాత్రల్లో నటిస్తున్నారు. ఈ సినిమాకు వివేక్ సాగర్ సంగీతం అందిస్తుండగా రానా దగ్గుబాటి ఈ చిత్రాన్ని ప్రొడ్యూస్ చేస్తున్నారు.