నటసింహం బాలకృష్ణ ఇండస్ట్రీకి వచ్చి 50 సంవత్సరాలైన సంగతి తెలిసిందే. ఈ సందర్భంగా ఈ రోజు స్వర్ణోత్సవం కార్యక్రమాన్ని నిర్వహించనున్నారు. ఈ వేడుకకు పెద్ద ఎత్తున సినీ రాజకీయ ప్రముఖులు హాజరు కానున్నారు. ఐతే, చిత్ర పరిశ్రమ నుంచి హాజరయ్యే అతిథుల జాబితా పై ఇంట్రెస్టింగ్ న్యూస్ వినిపిస్తోంది. ఈ వేడుకకు మెగాస్టార్ చిరంజీవి, కింగ్ నాగార్జున, విక్టరీ వెంకటేష్, ఐకాన్ స్టార్ అల్లు అర్జున్, మెగా పవర్ స్టార్ రామ్ చరణ్ వంటి స్టార్లు రాబోతున్నారట.
అలాగే, స్టార్లతో పాటు అల్లరి నరేష్, గోపీచంద్, విజయ్ దేవరకొండ, సాయి ధరమ్ తేజ్, అక్కినేని అఖిల్, సిద్దు జొన్నలగడ్డ, విశ్వక్ సేన్, శ్రీ విష్ణు, నాగశౌర్య లాంటి యంగ్ హీరోలంతా హాజరవుతున్నారని తెలుస్తోంది. అదే విధంగా స్టార్ డైరెక్టర్లతో పాటు ప్రముఖ నిర్మాతలు కూడా హాజరవుతారట. ఇంకా ఇండస్ట్రీకి సంబంధించిన 24 శాఖలు తప్పక పాల్గొంటారట. అన్నట్టు ఈ ఈవెంట్ లో సీఎం నారా చంద్రబాబు నాయుడుతో పాటు ప్రముఖ పొలిటికల్ లీడర్స్ కూడా హాజరు కాబోతున్నారని తెలుస్తోంది.