కోలీవుడ్ తలైవర్, సూపర్ స్టార్ రజినీకాంత్ హీరోగా ఇప్పుడు చేస్తున్న చిత్రాల్లో దర్శకుడు లోకేష్ కనగరాజ్ కాంబినేషన్ లో చేస్తున్న భారీ చిత్రం “కూలీ” కూడా ఒకటి. మరి ఈ చిత్రంలో కింగ్ నాగార్జున సహా మరింతమంది స్టార్ నటులుతో లోకేష్ కనగరాజ్ తన మార్క్ క్యాస్టింగ్ ని చేస్తుండగా ఇప్పుడు మరో పాత్రని పరిచయం చేశారు. ఈ చిత్రంలో కన్నడ వెర్సటైల్ నటుడు దర్శకుడు ఉపేంద్ర కూడా ఉన్నట్టుగా టాక్ వచ్చింది.
మరి ఇప్పుడు అఫీషియల్ గా తాను ఉన్నట్టుగా ఇంట్రెస్టింగ్ ఫస్ట్ లుక్ పోస్టర్ ని కూడా రిలీజ్ చేసి తమ సినిమాలో కలీషాగా కనిపించనున్నారని రివీల్ చేశారు. మిల క్యాస్టింగ్ పరంగా ఓ రేంజ్ లోకి వెళుతున్న సినిమా వారి నటనతో ఎలాంటి ఎగ్జైటింగ్ ట్రీట్ ని అందిస్తారో చూడాలి. ఇక ఈ చిత్రానికి అనిరుద్ సంగీతం అందిస్తుండగా షూటింగ్ శరవేగంగా పూర్తవుతుంది అలాగే సన్ పిక్చర్స్ వారు ఈ చిత్రాన్ని నిర్మాణం వహిస్తున్నారు.