నందమూరి బాలకృష్ణ, దర్శకుడు బాబీ కాంబినేషన్‌ లో ఓ సినిమా రాబోతున్న సంగతి తెలిసిందే. ఈ సినిమా రిలీజ్ డేట్ పై ఇప్పటికే చాలా రూమర్స్ వినిపించాయి. ఈ నేపథ్యంలో తాజాగా ఇచ్చిన ఓ ఇంటర్వ్యూలో బాలయ్య ఈ సినిమా రిలీజ్ పై క్లారిటీ ఇచ్చారు. సదరు యాంకర్ ‘మీ 109వ మూవీ ఎప్పుడు రిలీజ్ కాబోతుంది ? అని అడగగా.. బాలయ్య సమాధానం ఇస్తూ.. ‘వర్క్ జరుగుతుంది. రీసెంట్ గానే జైపూర్ లో లాంగ్ షెడ్యూల్ షూట్ చేశాం. ఇక రిలీజ్ విషయానికి వస్తే డిసెంబర్ లో లేదా సంక్రాంతికి వచ్చేస్తున్నాం’ అని బాలయ్య క్లారిటీ ఇచ్చాడు.
బాలయ్య ఇంకా మాట్లాడుతూ.. ‘ఈ సినిమా షూటింగ్ స్టార్ట్ చేశాక, మధ్యలో ఎలక్షన్స్ వచ్చాయి. ఎన్నికల ప్రచారం వల్ల మూడు మూడున్నర నెలలు పాటు షూటింగ్ ఆపాల్సి వచ్చింది. ఏది ఏమైనా డిసెంబర్ కల్లా రిలీజ్ కి రెడీగా ఉంటాం’ అని బాలయ్య చెప్పుకొచ్చారు. అన్నట్టు ఈ మూవీ కచ్చితంగా బాలయ్య ఫ్యాన్స్ కి ఫుల్ మీల్స్ ఇచ్చేలా దర్శకుడు బాబీ ఈ చిత్రాన్ని తీర్చిదిద్దుతున్నారట.
కాగా సితార ఎంటర్‌టైన్‌మెంట్స్‌ పతాకంపై నాగ వంశీ, ఫార్చూన్‌ ఫోర్ సినిమాపై సాయి సౌజన్య నిర్మిస్తున్న ఈ సినిమాకి థమన్ సంగీతం అందిస్తున్నారు. కాగా ఈ సినిమాలో బాలయ్య పాత్ర నెవ్వర్ బిఫోర్ అనే రేంజ్ లో ఉంటుందని తెలుస్తోంది. చాందినీ చౌదరి, ఊర్వశీ రౌతేలా ఈ సినిమాలో కీలక పాత్రల్లో నటిస్తున్నారు.