తెలుగు ఇండస్ట్రీలో సీనియర్ ఎడిటర్ గా ‘మార్తాండ్ కె. వెంకటేష్’కి మంచి పేరు ఉంది. ఐతే, తాజాగా ఇచ్చిన ఓ ఇంటర్వ్యూలో ఆయన, పవర్ స్టార్ పవన్ కళ్యాణ్ పై ఇంట్రెస్టింగ్ కామెంట్స్ చేశారు. ఇంతకీ, మార్తాండ్ కె. వెంకటేష్ ఏం కామెంట్స్ చేశారంటే.. యాంకర్ ఆయనను ప్రశ్నిస్తూ.. గతంలో పవన్ కళ్యాణ్ తో మీరు చాలా దగ్గరగా ట్రావెల్ అయ్యారు. ప్రస్తుతం పవన్ కళ్యాణ్ పాలిటిక్స్ లో మంచి స్థాయిలో ఉన్నారు. ఆయనను చూస్తుంటే మీకేం అనిపిస్తుంది ? అని సదరు యాంకర్ అడిగారు.
ఈ ప్రశ్నకు సమాధానంగా ‘మార్తాండ్ కె. వెంకటేష్’ పవన్ గురించి మాట్లాడుతూ.. ‘ఇప్పుడు ప్రపంచం అంతా మాట్లాడుకుంటున్న వ్యక్తి పవన్ కళ్యాణ్. నిజానికి ఆయనలో ఎలాంటి మార్పు రాలేదు. ఆయన ముందు ఎలా ఉండేవారు, ఇప్పుడు కూడా అలాగే ఉన్నారు. పవన్ గారు ఎప్పుడూ ఓపెన్ గా ఉంటారు. ఆయనది మంచి మనసు. నేను కొంచెం డల్ గా ఉంటే.. ఏంటి వెంకటేష్ ఏమైనా సమస్య ఉందా ?, ఏమైనా డబ్బు సాయం కావాలా ? అని అడిగిన వ్యక్తి ఆయన ఒక్కరే. నన్ను ఇంతవరకు ఇండస్ట్రీలో ఎవరు అలా అడగలేదు’ అని ‘మార్తాండ్ కె. వెంకటేష్’ పవన్ గురించి ఇంట్రెస్టింగ్ కామెంట్స్ చేశారు. ప్రస్తుతం ఈ కామెంట్స్ సోషల్ మీడియాలో వైరల్ అవుతున్నాయి.