ప్రముఖ నటి నివేతా థామస్ ప్రధాన పాత్రలో, నంద కిషోర్ ఈమని దర్శకత్వంలో తెరకెక్కిన చిత్రం 35 చిన్న కథ కాదు. విశ్వదేవ్ రాచకొండ, ప్రియదర్శి కీలక పాత్రల్లో నటించిన ఈ చిత్రం ఈ ఈ శుక్రవారం గ్రాండ్ రిలీజ్ కానుంది. ఈ చిత్రం ఇప్పటికే సెన్సార్‌ కార్యక్రమాలు కూడా పూర్తి చేసుకుంది. ఆసక్తికరమైన అంశం ఏమిటంటే, ఈ సినిమా యొక్క నాన్ థియేట్రికల్ రైట్స్‌ను జీ సంస్థ సొంతం చేసుకుంది.
జీ ఓటిటి హక్కులను పొందగా, జీ ఛానెల్ శాటిలైట్ హక్కులను పొందింది. ఈ సినిమా ట్రైలర్ కి ప్రేక్షకుల నుండి మంచి రెస్పాన్స్ వచ్చింది. థియేటర్లలో ఈ చిత్రం ఎలాంటి రెస్పాన్స్ ను సొంతం చేసుకుంటుందో చూడాలి. రానా దగ్గుబాటి సమర్పణలో సృజన్ యరబోలు, సిద్ధార్థ్ రాళ్లపల్లి నిర్మిస్తున్న ఈ చిత్రానికి వివేక్ సాగర్ సంగీతం అందించాడు.