తమిళ స్టార్ హీరో విజయ్ నటిస్తున్న లేటెస్ట్ మూవీ ‘ది గోట్’ సెప్టెంబర్ 5న గ్రాండ్ రిలీజ్‌కి రెడీ అయ్యింది. దర్శకుడు వెంకట్ ప్రభు ఈ చిత్రాన్ని స్పై థ్రిల్లర్‌గా తెరకెక్కించాడు. ఇప్పటికే ఈ చిత్ర టీజర్, ట్రైలర్లకు మంచి రెస్పాన్స్ వచ్చాయి. ఇక ఈ సినిమాను తెలుగులోనూ భారీ స్థాయిలో రిలీజ్ చేస్తున్నారు. దీంతో ఈ సినిమాకు సంబంధించి హైదరాబాద్‌లో తాజాగా ఈవెంట్ నిర్వహించారు చిత్ర యూనిట్.
ఈ క్రమంలో జరిగిన మీడియా మీట్‌లో ఓ విలేకరి గోట్ మూవీలో విజయ్ డీ-ఏజింగ్ లుక్‌పై ప్రశ్నించారు. దీంతో దర్శకుడు వెంకట్ ప్రభు సమాధానమిస్తూ.. సినిమాలో విజయ్ వయసు తక్కువగా చూపెట్టేందుకు డీ-ఏజింగ్ టెక్నాలజీ వాడామని.. అయితే, స్పార్క్ పాటలో అది మరీ తక్కువగా కనిపించడంతో ఆ లుక్‌పై నెగెటివ్ కామెంట్స్ వచ్చాయని అన్నారు. అటు విజయ్ కూడా తన లుక్‌ను మరీ యంగ్‌గా చూపెట్టొద్దు అని చెప్పడంతో, యంగ్ లుక్‌కి సంబంధించి మళ్లీ టెక్నాలజీని ఎంతవరకు వాడాలో అంతే వాడి దానిని సరిచేశామని దర్శకుడు చెప్పుకొచ్చాడు.
ఇలా విజయ్ యంగ్ లుక్‌పై నెగెటివ్ కామెంట్స్ రావడంతో డీ-ఏజింగ్ టెక్నాలజీని మళ్లీ సరిచేసుకున్నామని డైరెక్టర్ చెప్పడంతో విజయ్ ఫ్యాన్స్ సంతోషం వ్యక్తం చేస్తున్నారు. ఇక ఈ సినిమాతో బాక్సాఫీస్ దగ్గర కొత్త రికార్డులు క్రియేట్ కావడం ఖాయమని చిత్ర యూనిట్ ఆశిస్తుంది.