అందరూ ఎంతో ఆసక్తిగా ఎదురుచూస్తున్న చిత్రాల్లో పవర్ స్టార్ పవన్ కళ్యాణ్ నటిస్తున్న ఓజి ఒకటి. ఈ క్రేజీ ప్రాజెక్ట్ కి యంగ్ డైరెక్టర్ సుజీత్ దర్శకత్వం వహిస్తున్నాడు. ప్రియాంక మోహన్ హీరోయిన్ గా నటిస్తుండగా, ఇమ్రాన్ హష్మీ, అర్జున్ దాస్, శ్రియా రెడ్డి తదితరులు కీలక పాత్రల్లో కనిపించనున్నారు. డీవీవీ ఎంటర్టైన్మెంట్ బ్యానర్ పై భారీ బడ్జెట్ తో డీవీవీ దానయ్య నిర్మిస్తున్న ఈ చిత్రానికి మ్యూజికల్ సెన్సేషన్ థమన్ సంగీతం అందిస్తున్నాడు.
ఈ చిత్రం నుండి ఫస్ట్ సింగిల్ కి సంబందించిన అప్డేట్ త్వరలో వెలువడనుంది. అయితే ఈ చిత్రంలోని ఒక పవర్ ఫుల్ ట్రాక్ ను ప్రముఖ కోలీవుడ్ యాక్టర్, సింగర్ శింబు పాడినట్లు సమాచారం. దీనిపై మేకర్స్ నుండి అధికారిక ప్రకటన వెలువడాల్సి ఉంది. సోషల్ మీడియాలో కూడా ఇదే విషయం తెగ వైరల్ అవుతోంది.