ఈ ఏడాది చిన్న చిత్రంగా థియేటర్లలోకి వచ్చి సూపర్ హిట్ సాధించిన మూవీ కమిటీ కుర్రోళ్ళు. పింక్ ఎలిఫెంట్ పిక్చర్స్ మరియు శ్రీ రాధా దామోదర్ స్టూడియోస్ బ్యానర్లపై పద్మజ కొణిదెల మరియు జయలక్ష్మి అడపాక సంయుక్తంగా నిర్మించిన ఈ చిత్రానికి మెగా డాటర్ నిహారిక కొణిదెల సమర్పకులుగా వ్యవహరిస్తోంది. ఈ చిత్రం బాక్సాఫీస్ వద్ద సక్సెస్ తర్వాత డిజిటల్ ప్రీమియర్ కి రెడీ అయిపోయింది.
ఈ చిత్రం యొక్క డిజిటల్ హక్కులని సొంతం చేసుకున్న ఈటీవీ విన్ లో స్ట్రీమింగ్ కి డేట్ ఫిక్స్ చేసుకుంది. ఈ సెప్టెంబర్ 12 నుండి స్ట్రీమింగ్ కి అందుబాటులో ఉండనుంది. యదు వంశీ దర్శకత్వంలో సందీప్ సరోజ్, యశ్వంత్ పెండ్యాల, ఈశ్వర్ రచిరాజు, త్రినాథ్ వర్మ, ప్రసాద్ బెహరా, మణికంఠ పరసు, లోకేష్ కుమార్ పరిమి, శ్యామ్ కళ్యాణ్, రఘువరన్, శివ కుమార్ మట్ట, అక్షయ్ శ్రీనివాస్, తేజస్వి రావు, రాధ్య, టీనా శ్రావ్య, విషిక, షణ్ముఖి నాగుమంత్రి లు కీలక పాత్రల్లో నటించారు. ఈ చిత్రానికి అనుదీప్ దేవ్ సంగీతాన్ని అందించాడు.