యంగ్ బ్యూటీ నివేదా థామస్ నటిస్తున్న తాజా చిత్రం ‘35 – చిన్న కథ కాదు’ ప్రేక్షకుల్లో మంచి బజ్‌ను క్రియేట్ చేసింది. ఈ సినిమాను దర్శకుడు నందకిషోర్ ఈమని క్లీన్ ఎంటర్‌టైనర్ చిత్రంగా తెరకెక్కించగా, ఈ చిత్ర టీజర్, ట్రైలర్లు మంచి పాజిటివ్ వైబ్స్ క్రియేట్ చేశాయి. దీంతో ఈ సినిమాను చూసేందుకు ప్రేక్షకులు ఆసక్తిని చూపుతున్నారు. తాజాగా ఈ సినిమా ప్రీ-రిలీజ్ ఈవెంట్‌ని నిర్వహిస్తున్నారు మేకర్స్.
ఈ ఈవెంట్‌కి చీఫ్ గెస్ట్‌గా న్యాచురల్ స్టార్ నాని వచ్చాడు. ఈ సందర్భంగా నాని మాట్లాడుతూ.. ఈ సినిమా చూస్తుంటే నా బయోపిక్ తీస్తున్నట్లుగా అనిపిస్తుంది. ఇందులో కుర్రాడు 35 మార్కులు తెచ్చుకునేందుకు కష్టపడతాడు. కానీ, నాకు అవి కూడా రాలేదు.’’ అంటూ నాని చెప్పుకొచ్చాడు.
ఇలా నాని ‘35’ సినిమాను ప్రమోట్ చేస్తుండటంతో ఈ సినిమాపై మూవీ లవర్స్‌లో మంచి బజ్ ఏర్పడింది. ఇక ఈ సినిమాను రానా దగ్గుబాటి ప్రెజెంట్ చేస్తుండగా.. ఇందులో విశ్వదేవ్, ప్రియదర్శి, గౌతమి తదితరులు ఇతర ముఖ్య పాత్రల్లో నటిస్తున్నారు.