మెగా పవర్ స్టార్ రామ్ చరణ్, బాలీవుడ్ బ్యూటీ కియారా అద్వానీ ప్రధాన పాత్రల్లో, దర్శకుడు శంకర్ దర్శకత్వంలో తెరకెక్కుతున్న పొలిటికల్ యాక్షన్ ఎంటర్టైనర్ గేమ్ ఛేంజర్. ఈ చిత్రం రిలీజ్ డేట్ పై మేకర్స్ నుండి ఇంకా ఎలాంటి క్లారిటీ రాలేదు. ఈ వినాయక చవితి సందర్భంగా సరికొత్త పోస్టర్ తో రిలీజ్ డేట్ ను ప్రకటించే అవకాశం ఉంది. అయితే డిసెంబర్ 20, 2024 న ఈ చిత్రం థియేటర్లలోకి తీసుకు వచ్చేందుకు మేకర్స్ సన్నాహాలు చేస్తున్నట్లు సమాచారం.
ఈ చిత్రానికి సంబంధించి, మేకర్స్ ఇప్పటి వరకూ ఎక్కువగా కంటెంట్ ను షేర్ చేయలేదు. ఫస్ట్ సింగిల్ ను రిలీజ్ చేయగా మంచి రెస్పాన్స్ వచ్చింది. ఈ చిత్రం టీజర్ ఈ నెలాఖరుకి విడుదల అయ్యే అవకాశాలు కనిపిస్తున్నాయి. మేకర్స్ నుండి త్వరలో వీటిపై ప్రకటన వెలువడే అవకాశం ఉంది. ప్రముఖ నిర్మాత దిల్ రాజు భారీ బడ్జెట్ తో నిర్మిస్తున్న ఈ చిత్రానికి మ్యూజికల్ సెన్సేషన్ థమన్ సంగీతం అందిస్తున్నాడు.