టాలీవుడ్ లెజెండరీ హీరో మెగాస్టార్ చిరంజీవి హీరోగా యువ దర్శకుడు వశిష్ట తెరకెక్కిస్తున్న భారీ ఫాంటసీ థ్రిల్లర్ చిత్రం “విశ్వంభర” కోసం అందరికీ తెలిసిందే. మరి ఈ సినిమా షూటింగ్ శరవేగంగా జరుగుతోంది. మెగాస్టార్ ఆల్రెడీ తన పోర్షన్ ని దాదాపు పూర్తి చేసేయగా మిగతా నటీనటులు పై దర్శకుడు కీలక సన్నివేశాలు ఇప్పుడు తెరకెక్కిస్తున్నాడు. అయితే ఈ సినిమాలో యంగ్ హీరోయిన్ ఆశికా రంగనాథ్ కూడా నటిస్తున్న సంగతి తెలిసిందే.
మరి ఇప్పుడు ఈమెపై కీలక సన్నివేశాలు తీస్తున్నారట. ప్రస్తుతం ఆశికా తో నైట్ షూట్స్ జరుగుతున్నాయి. మరి దీనిపై ఆమెనే అప్డేట్ ఇస్తూ విశ్వంభర నైట్ షూట్స్ లో బిజీగా ఉన్నాను అన్నట్లు తెలిపింది. ఇక ఈ భారీ సినిమాకి కీరవాణి సంగీతం అందిస్తున్న సంగతి తెలిసిందే అలాగే యూవీ క్రియేషన్స్ వారు నిర్మాణం వహిస్తున్న ఈ చిత్రం వచ్చే ఏడాది సంక్రాంతి కానుకగా జనవరి 10న రిలీజ్ కాబోతోంది.
