మ్యాన్ ఆఫ్ మాసెస్ జూ.ఎన్టీఆర్ లేటెస్ట్ మూవీ ‘దేవర’ కోసం ప్రేక్షకులు ఏ రేంజ్‌లో ఎదురుచూస్తున్నారో అందరికీ తెలిసిందే. ఈ సినిమాను దర్శకుడు కొరటాల శివ డైరెక్ట్ చేస్తుండగా, పూర్తి మాస్ యాక్షన్ ఎంటర్‌టైనర్‌గా ఈ సినిమా రానుంది. ఇక ఈ సినిమాతో ఇండియన్ బాక్సాఫీస్ దగ్గర ఎన్టీఆర్ ర్యాంపేజ్ క్రియేట్ చేయడం ఖాయమని అభిమానులు ధీమా వ్యక్తం చేస్తున్నారు. దీంతో ఈ సినిమాపై అత్యంత క్రేజ్ నెలకొంది.
ఈ క్రేజ్ ఎంతలా ఉందంటే, ఈ చిత్ర టికెట్ బుకింగ్స్ ఓపెస్ చేసిన రెండు నిమిషాల్లోనే షో టికెట్లు అమ్ముడైపోయాయి. కేవలం ఇండియాలోనే కాకుండా ఓవర్సీస్‌లోనూ దేవర ర్యాంపేజ్ మొదలైంది. ముఖ్యంగా డల్లాస్‌లో ఈ సినిమా ప్రీమియర్స్ కోసం టికెట్స్ విక్రయించగా.. కేవలం రెండు నిమిషాల్లోనే టికెట్లు అమ్ముడయ్యాయి. దీంతో ఎన్టీఆర్ సినిమా కోసం అక్కడి ఆడియెన్స్ ఏ రేంజ్‌లో వెయిట్ చేస్తున్నారో అర్థం చేసుకోవచ్చు.
ఇక ఈ సినిమాలో అందాల భామ జాన్వీ కపూర్ హీరోయిన్‌గా నటిస్తుండగా.. బాలీవుడ్ నటుడు సైఫ్ అలీ ఖాన్ విలన్‌గా నటిస్తున్నాడు. ఈ సినిమాకు అనిరుధ్ రవిచందర్ సంగీతం అందిస్తున్నాడు. సెప్టెంబర్ 27న ఈ సినిమాను గ్రాండ్ లాంచ్ చేసేందుకు మేకర్స్ సిద్ధమయ్యారు.