మ్యాన్ ఆఫ్ మాసెస్ జూ.ఎన్టీఆర్ నటిస్తున్న తాజా చిత్రం ‘దేవర’ కోసం ప్రేక్షకులు ఎంతో ఆసక్తిగా ఎదురుచూస్తున్నారు. ఈ సినిమాను దర్శకుడు కొరటాల శివ డైరెక్ట్ చేస్తుండగా పూర్తి మాస్ యాక్షన్ ఎంటర్‌టైనర్‌గా ఈ సినిమా తెరకెక్కింది. ఇక ఈ సినిమాలోని పోస్టర్స్, టీజర్, సాంగ్స్ అన్నీ కూడా ప్రేక్షకులను బాగా ఇంప్రెస్ చేశాయి. అయితే, రీసెంట్‌గా ‘దావూదీ’ అనే సాంగ్‌ను రిలీజ్ చేయగా, అది సోషల్ మీడియాలో దుమ్ములేపుతోంది.
ఎన్టీఆర్‌లోని వింటేజ్ డ్యాన్స్‌ను ఈ సాంగ్‌లో మళ్లీ చూశామంటూ అభిమానులు మురిసిపోతున్నారు. అయితే, ఇప్పుడు ఈ సాంగ్‌కి సంబంధించి ఓ ఇంట్రెస్టింగ్ వార్త నెట్టింట చక్కర్లు కొడుతోంది. ఈ సాంగ్ సినిమాలో ఎలాంటి సందర్భంలో వస్తుందా అని అందరూ చర్చిస్తున్నారు. కానీ, ఈ సాంగ్ సినిమాలో ఎక్కడా కూడా కనిపించదట. ఈ పాటను దేవర టైటిల్స్ రోలింగ్ సమయంలో ప్లే చేస్తారట. దీంతో ఈ సాంగ్ సినిమా పూర్తయ్యాకే వీక్షించే ఛాన్స్ ఉందనే టాక్ సోషల్ మీడియాలో జోరుగా వైరల్ అవుతోంది.
ఇక ఈ పాటలో ఎన్టీఆర్‌తో కలిసి అందాల భామ జాన్వీ కపూర్ అదిరిపోయే స్టెప్పులు వేయడంతో ఆమె అభిమానులు సైతం ఈ సాంగ్ కోసం ఆసక్తిగా చూస్తున్నారు. ఈ సినిమాలో సైఫ్ అలీ ఖాన్ విలన్ పాత్రలో నటిస్తుండగా అనిరుధ్ రవిచందర్ సంగీతం అందిస్తున్నాడు. ఈ చిత్రాన్ని ఎన్టీఆర్ ఆర్ట్స్, యువసుధ ఆర్ట్స్ బ్యానర్లు సంయుక్తంగా ప్రొడ్యూస్ చేస్తున్నాయి. సెప్టెంబర్ 27న వరల్డ్‌వైడ్‌గా గ్రాండ్ రిలీజ్‌కు ‘దేవర’ సిద్ధమవుతున్నాడు.