ఓవర్సీస్‌లో తెలుగు సినిమాలకు ఉండే ఆదరణ గురించి ప్రత్యేకంగా చెప్పక్కర్లేదు. యూఎస్‌లో ఈ క్రేజ్ మరీ ఎక్కువగా ఉంటుంది. అయితే, న్యూయార్క్‌లోని ఫేమస్ టైమ్ స్క్వార్ బోర్డుపై చాలా తక్కువ ఇండియన్ సినిమాలకు సంబంధించినవి ప్లే అవుతుంటాయి. కానీ, తాజాగా టాలీవుడ్‌లో తెరకెక్కిన ‘ధూం ధాం’ సినిమా ఈ అరుదైన ఘనత అందుకుని టాక్ ఆఫ్ ది టౌన్ గా మారింది.
చేతన్ కృష్ణ, హెబ్బా పటేల్ హీరోహీరోయిన్లుగా నటించిన ‘ధూం ధాం’ చిత్రాన్ని మచ్చా సాయి కిషోర్ డైరెక్ట్ చేశారు. పూర్తి ఫ్యామిలీ ఎంటర్‌టైనర్‌గా ఈ సినిమా వస్తుండగా, ఇప్పటికే రిలీజ్ చేసిన పోస్టర్స్, టీజర్, సాంగ్స్ ఈ సినిమాపై పాజిటివ్ బజ్‌ని క్రియేట్ చేశాయి. కాగా, తాజాగా ఈ సినిమాలోని ‘మల్లెపూల టాక్సీ’ సాంగ్‌ను న్యూయార్క్‌లోని టైమ్స్ స్క్వేర్ బిల్‌బోర్డ్‌పై ప్లే చేశారు. అంతేగాక, అక్కడి తెలుగు వారు ఈ పాట ప్లే అవుతున్న తరుణంలో డ్యాన్సులు కూడా చేశారు.
ఇలా ఈ అరుదైన ఫీట్ సాధించిన ‘ధూం ధాం’ చిత్రాన్ని సెప్టెంబర్ 13న వరల్డ్‌వైడ్‌గా గ్రాండ్ రిలీజ్ చేస్తున్నారు. కాగా, యూఎస్‌లో ఈ సినిమా స్పెషల్ ప్రీమియర్స్ సెప్టెంబర్ 12న వేసేందుకు మేకర్స్ రెడీ అవుతున్నారు.
వీడియో కోసం ఇక్కడ క్లిక్ చేయండి