ఎన్టీఆర్ – కొరటాల శివ కాంబినేషన్ లో రాబోతున్న దేవర చిత్రం పై భారీ అంచనాలు నెలకొన్నాయి. పైగా పాన్ ఇండియా రేంజ్ లో ప్రస్తుతం ఎక్కడ చూసినా దేవర సినిమా ఫీవరే కనిపిస్తుంది. ఇప్పటికే, నార్త్ అమెరికాలోనూ ముందస్తు బుకింగ్స్ లో 1.5 మిలియన్ల మార్క ను దాటి ఎన్టీఆర్ కెరీర్ లోనే ‘దేవర’ సరికొత్త రికార్డు క్రియేట్ చేసింది. ప్రస్తుతం దేవర సినిమాకి జరుగుతున్న బుకింగ్స్ ను బట్టి.. ఫస్ట్ వీక్ పూర్తి అయ్యే లోపు దేవర సినిమా $6 మిలియన్లకు పైగా వసూలు చేయడం పక్కాగా కనిపిస్తోంది.
మొత్తానికి దేవర మూవీ రిలీజ్ కోసం ఎన్టీఆర్ ఫ్యాన్స్ తో పాటు సినీ లవర్స్ కూడా ఎంతో ఆసక్తిగా వెయిట్ చేస్తున్నారు. ఇప్పటికే, ఈ సినిమా నుంచి విడుదలైన కంటెంట్ సరికొత్త రికార్డ్స్ సృష్టించాయి. అదే రేంజ్ లో బాక్సాఫీస్ దగ్గర కూడా సరికొత్త రికార్డులను దేవర బద్దలు కొట్టబోతుంది. అనిరుధ్ రవిచందర్ సంగీత దర్శకుడిగా వ్యవహరిస్తున్న ఈ సినిమాలో షైన్ టామ్ చాకో, ప్రకాష్ రాజ్ లతో పాటు శ్రీకాంత్ తదితరులు కూడా కీలక పాత్రల్లో నటిస్తున్నారు.