ఐకాన్ స్టార్ అల్లు అర్జున్ పుష్ప సినిమా రీచ్ నేషనల్ వైడ్ గా మాత్రమే కాకుండా గ్లోబల్ వైడ్ గా కూడా మంచి రీచ్ ని అప్పట్లో సొంతం చేసుకున్న సంగతి తెలిసిందే. అలాగే పుష్ప సినిమాలో శ్రీవల్లి సాంగ్ స్టెప్పులు కానీ తగ్గేదేలే మ్యానరిజం కానీ బాగా క్లిక్ అయ్యాయి. అయితే సరిగ్గా వీటితోనే ఆస్ట్రేలియన్ డాషింగ్ బ్యాట్స్ మెన్ డేవిడ్ వార్నర్ అప్పట్లో కోవిడ్ సమయంలో చేసి మంచి ఎంటర్టైన్మెంట్ ని అందించాడు.
అలాగే అల్లు అర్జున్ బుట్ట బొమ్మ స్టెప్పయితే ఐపీఎల్ లో కూడా చాలా సార్లు వేసి మన తెలుగు ఆడియెన్స్ కి ఎంతో దగ్గరయ్యాడు. ఈ క్రమంలో చాలా మంది డేవిడ్ వార్నర్ ని తెలుగు సినిమాలో చూడాలని కూడా ఆశించారు. అయితే రీసెంట్ గా డేవిడ్ వార్నర్ పై ఓ షాకింగ్ పిక్ వైరల్ గా మారింది. పుష్ప లో అల్లు అర్జున్ గెటప్ లో వార్నర్ దర్శనం ఇచ్చాడు.
అయితే ఇది పుష్ప 2 లోనిదే అంటూ పలు రూమర్స్ బయటకి వచ్చాయి కానీ ఇప్పుడు దీనిపై అసలు క్లారిటీ బయటకి వచ్చింది. దీనితో డేవిడ్ వార్నర్ తెలుగు సినిమాలో నటించడం నిజమే అట కానీ అది పుష్ప 2 లో కాదు నితిన్ చేస్తున్న రాబిన్ హుడ్ లో అట. ఇది మాత్రం ఊహించనిది అని చెప్పాలి. దర్శకుడు వెంకీ కుడుముల లేటెస్ట్ గా ఆస్ట్రేలియాలో చేసిన షెడ్యూల్ లో అయితే వార్నర్ నటించాడట.
దీనితో పుష్ప 2 లో కాదు రాబిన్ హుడ్ లో డేవిడ్ వార్నర్ ఉన్నాడని చెప్పాలి. ఇది తనకి టాలీవుడ్ ఎంట్రీ కాగా మరి రానున్న రోజుల్లో మిగతా సినిమాల్లో ఏమన్నా కనిపిస్తాడేమో చూడాలి.