పవర్ స్టార్ పవన్ కళ్యాణ్ హీరోగా యంగ్ హీరోయిన్ ప్రియాంక మోహన్ హీరోయిన్ గా టాలెంటెడ్ దర్శకుడు సుజీత్ తెరకెక్కిస్తున్న భారీ యాక్షన్ డ్రామా “ఓజి” కోసం అందరికీ తెలిసిందే. మరి అనౌన్స్మెంట్ తోనే భారీ హైప్ ని సెట్ చేసుకున్న ఈ చిత్రం దాదాపు పూర్తి అయ్యింది. అయితే ఈ సినిమా మేనియా పవన్ ఫ్యాన్స్ లో గట్టిగా ఉంది.
చాలా కాలం తర్వాత పవన్ నుంచి స్ట్రెయిట్ సినిమా ఇది కావడం పైగా సుజీత్ లాంటి డైరెక్టర్ తో పవన్ వర్క్ చేయడం అనేవి అభిమానులని ఓ రేంజ్ లో ఎగ్జైట్ చేసాయి. అయితే అన్నీ బాగుండి ఉంటే ఈరోజు సెప్టెంబర్ 27 థియేటర్స్ లో పవర్ స్టార్ “ఓజి” పడి ఉండేది. ఎప్పుడో మేకర్స్ ఈ డేట్ ని లాక్ చేసుకున్నారు కానీ పలు కారణాలు చేత సినిమా నేడు విడుదలకు నోచుకోలేదు.
దీనితో ఈరోజు ఓజి పడి ఉంటే వేరే లెవెల్లో ఉండేది అని ఫ్యాన్స్ ఆ వైబ్ ని బాగా మిస్సవుతున్నారు. ఇక ఈ భారీ సినిమా వచ్చే ఏడాదికి వాయిదా పడిపోయింది. మరి కొత్త రిలీజ్ డేట్ పై ఇంకా క్లారిటీ రావాల్సి ఉంది. ఇక థమన్ సంగీతం అందిస్తున్న ఈ చిత్రాన్ని డివివి ఎంటర్టైన్మెంట్స్ వారు భారీ బడ్జెట్ తో నిర్మాణం వహిస్తున్న సంగతి తెలిసిందే.