టాలీవుడ్ ప్రెస్టీజియస్ మూవీ ‘దేవర’ ఎట్టకేలకు నేడు థియేటర్లలో రిలీజ్ అయ్యి ప్రేక్షకులను అలరిస్తోంది. మ్యాన్ ఆఫ్ మాసెస్ ఎన్టీఆర్ నటించిన ఈ మాస్ యాక్షన్ డ్రామా మూవీకి ప్రేక్షకుల నుంచి మంచి రెస్పాన్స్ లభిస్తోంది. ఈ సినిమాను దర్శకుడు కొరటాల శివ తెరకెక్కించిన తీరుకు అభిమానులు ఫిదా అవుతున్నారు. తొలిరోజే ఈ సినిమాను చూసేందుకు థియేటర్లకు క్యూ కడుతున్నారు. ఇక ఈ సినిమాకు అన్ని ఏరియాల్లో మంచి రెస్పాన్స్ వస్తుండటంతో చిత్ర యూనిట్ సంతోషం వ్యక్తం చేస్తోంది.
తాజాగా ‘దేవర’కు వస్తున్న రెస్పాన్స్‌పై హీరో ఎన్టీఆర్ స్పందించాడు. ‘‘ఎప్పటినుండో ఎదురుచూస్తున్న రోజు రానే వచ్చింది. మీ రెస్పాన్స్‌ని చూస్తుంటే సంతోషంతో ఉప్పొంగిపోతున్నాను. ఇలాంటి ఎంగేజింగ్ డ్రామా, ఎమోషన్ ఎక్స్‌పీరియెన్స్‌ను అందించిన కొరటాల శివకి థ్యాంక్స్. అనిరుధ్ సంగీతం ఈ కథకు బ్యాక్‌బోన్‌లా నిలిచింది. అభిమానులు ఈ సినిమాను ఆదరిస్తున్న తీరుకి ఎప్పటికీ రుణపడి ఉంటాను. వారి ప్రేమాభిమానాలకు కృతజ్ఞతలు తెలుపుతున్నాను.’’ అంటూ తారక్ తన సోషల్ మీడియాలో పోస్ట్ చేశాడు.
ఇక ఈ సినిమా ట్రెమెండస్ ఓపెనింగ్స్‌ని రాబడుతోంది. టాలీవుడ్ బాక్సాఫీస్‌తో పాటు ఓవర్సీస్‌లోనూ ఈ సినిమా తొలిరోజు భారీ కలెక్షన్స్ రాబట్టే దిశగా వెళ్తోంది. ఈ చిత్రాన్ని ఎన్టీఆర్ ఆర్ట్స్, యువసుధ ఆర్ట్స్ బ్యానర్లు సంయుక్తంగా ప్రొడ్యూస్ చేశాయి.
The day I had been waiting for is finally here… Overwhelmed by your incredible reactions.
Thank you Koratala Siva garu, for envisioning Devara with such engaging drama and emotional experience. My brother @anirudhofficial, your music and background score brought this world to…
— Jr NTR (@tarak9999) September 27, 2024