కంటెంట్ కింగ్ శ్రీ విష్ణు నటించిన లేటెస్ట్ మూవీ ‘స్వాగ్’ ఇటీవల రిలీజ్ అయ్యి బాక్సాఫీస్ దగ్గర సందడి చేస్తోంది. ఈ సినిమాను దర్శకుడు హసిత్ గోలి డైరెక్ట్ చేయగా వినూత్నమైన కాన్సెప్ట్‌తో ఈ సినిమాను రూపొందించారు. ఇక ఈ సినిమాలో శ్రీ విష్ణు చేసిన పాత్రలు, ఆయన వేసిన గెటప్స్ ప్రేక్షకులను ఆకట్టుకున్నాయి.
అయితే, ఈ సినిమాలో శ్రీ విష్ణు ఓ సర్‌ప్రైజింగ్ పాత్రలో కనిపిస్తారని మేకర్స్ రిలీజ్‌కి ముందే చెప్పారు. దీంతో ఆ పాత్ర ఏమై ఉంటుందా అని అందరూ ఆసక్తిగా చూస్తున్నారు. అయితే, తాజాగా ఈ పాత్రను మేకర్స్ అఫీషియల్‌గా రివీల్ చేశారు. ఈ సినిమాలో ‘విభూతి’ అనే పాత్రలో శ్రీ విష్ణు కనిపించాడని, ఈ పాత్రను ఆడియెన్స్ అమితంగా ఇష్టపడ్డారని వారు పేర్కొన్నారు. ఇలా లేడీ గెటప్‌లో శ్రీ విష్ణుని చూసి ఆడియెన్స్ థ్రిల్ అవుతున్నారు.
ఇక ఈ సినిమాలో రీతూ వర్మ, మీరా జాస్మిన్, దక్ష నాగర్కర్, శరణ్య ప్రదీప్, గెటప్ శ్రీను, సునీల్ తదితరులు ఇతర ముఖ్య పాత్రల్లో నటించారు. ఈ చిత్రాన్ని పీపుల్ మీడియా ఫ్యాక్టరీపై టీజీ.విశ్వప్రసాద్ ప్రొడ్యూస్ చేశారు.
Vibuthi is one the most special roles I’ve ever done and extremely grateful to the entire audience for making it very special with all your Love & Support ❤️#Swag #SwagTheFilm pic.twitter.com/DNHjLy0XI0
— Sree Vishnu (@sreevishnuoffl) October 7, 2024