భారీ అంచనాల మధ్య వచ్చిన ‘దేవర’ సినిమా మొత్తానికి బాక్సాఫీస్‌ను షేక్ చేస్తోంది. ప్రపంచవ్యాప్తంగా ఈ సినిమాకి మాత్రం భారీ కలెక్షన్స్ వస్తున్నాయి. అయితే, ఈ క్రమంలో తెలుగు రాష్ట్రాల్లో ఓ సరికొత్త రికార్డును దేవర బ్రేక్ చేసింది. 16వ రోజు కలెక్షన్ల షేర్‌లో తెలుగు రాష్ట్రాల్లో బాహుబలి-2 రూ.3.50 కోట్లతో అగ్రస్థానంలో ఉండేది. ఆ రికార్డును తాజాగా ఎన్టీఆర్ ‘దేవర’ బ్రేక్ చేసింది. 16వ రోజున దేవర సినిమా రూ.3.65 కోట్లు వసూలు చేసింది.

ఈ జాబితాలో తర్వాతి మూడు స్థానాల్లో హను-మాన్, ఆర్ఆర్ఆర్, ఎఫ్ 2 చిత్రాలు ఉన్నాయి. 16వ రోజున హను-మాన్ కి రూ.3.21కోట్లు వచ్చాయి, ఆర్ఆర్ఆర్ కి రూ.3.10కోట్లు వచ్చాయి. ఇక ఎఫ్ 2 విషయానికి వస్తే.. రూ.2.56 కోట్లు వచ్చాయి. మొత్తానికి 16వ రోజున తెలుగు రాష్ట్రాల్లో ఎక్కువ కలెక్షన్లను సాధించిన సినిమాగా దేవర నిలవడం విశేషం. గత నెల 27న విడుదలైన ‘దేవర’ తాజాగా రూ.500 కోట్ల వసూళ్లు సాధించిన సంగతి తెలిసిందే.