మెగా ప్రిన్స్ వరుణ్ తేజ్ నటిస్తున్న లేటెస్ట్ మూవీ ‘మట్కా’ ఇప్పటికే షూటింగ్ పనులు ముగించుకుని రిలీజ్‌కు రెడీ అయ్యింది. ఈ సినిమాను దర్శకుడు కరుణ కుమార్ తెరకెక్కిస్తుండగా పూర్తి పీరియాడిక్ యాక్షన్ థ్రిల్లర్‌గా ఈ సినిమా రానుంది. ఇక ఈ సినిమాకు సంబంధించిన ట్రైలర్ లాంచ్‌ను నవంబర్ 2న నిర్వహిస్తున్నట్లు మేకర్స్ ఇప్పటికే అనౌన్స్ చేశారు.
అయితే, ఈ ట్రైలర్ లాంచ్ ఈవెంట్‌కి వెన్యూతో పాటు గెస్టుని కూడా మేకర్స్ ప్రకటించారు. ఈ సినిమా ట్రైలర్ లాంచ్‌ను హైదరాబాద్‌లోని పార్క్ హయత్‌లో నవంబర్ 2న ఉదయం 10 గంటల నుండి జరగనుందని మేకర్స్ తెలిపారు. ఇక ఈ ట్రైలర్ లాంచ్‌కు మెగాస్టార్ చిరంజీవి ముఖ్య అతిథిగా రానున్నట్లు చిత్ర యూనిట్ తెలిపింది. దీంతో ఈ ట్రైలర్ లాంచ్ ఈవెంట్‌పై మెగా ఫ్యాన్స్‌లో ఆసక్తి క్రియేట్ అయ్యింది.
ఇప్పటికే రిలీజ్ అయిన ‘మట్కా’ మూవీ పోస్టర్స్, టీజర్, సాంగ్స్‌కి ప్రేక్షకుల నుండి మంచి రెస్పాన్స్ దక్కింది. దీంతో ఈ మూవీ ట్రైలర్‌కి కూడా సాలిడ్ రెస్పాన్స్ రావడం ఖాయమని అభిమానులు కాన్ఫిడెంట్‌గా ఉన్నారు. ఈ సినిమాలో మీనాక్షి చౌదరి, నోరా ఫతేహి తదితరులు ఇతర ముఖ్య పాత్రల్లో నటిస్తున్నారు. జివి.ప్రకాశ్ కుమార్ సంగీతం అందిస్తున్న ఈ సినిమాను నవంబర్ 14న గ్రాండ్ రిలీజ్‌కి రెడీ చేస్తున్నారు.