టాలీవుడ్‌లో తెరకెక్కిన లేటెస్ట్ చిత్రాల్లో ‘మట్కా’పై ప్రేక్షకుల్లో సాలిడ్ అంచనాలు క్రియేట్ అయ్యాయి. ఈ సినిమాతో మెగా ప్రిన్స్ వరుణ్ తేజ్ వైవిధ్యమైన గెటప్స్‌లో నటిస్తుండటంతో ఈ సినిమా ప్రేక్షకుల్లో ఆసక్తిని క్రియేట్ చేసింది. ఇప్పటికే రిలీజ్ అయిన పోస్టర్స్, టీజర్, సాంగ్స్ ఈ సినిమాపై బజ్ క్రియేట్ చేయడంతో ఈ సినిమా కోసం ప్రేక్షకులు ఆసక్తిగా ఎదురుచూస్తున్నారు.
ఇక ఈ సినిమా నుండి ఇప్పుడు మరో అప్డేట్ ఇచ్చేందుకు మేకర్స్ రెడీ అయ్యారు. ఈ చిత్రానికి సంబంధించిన ట్రైలర్‌ను రేపు మెగాస్టార్ చిరంజీవి చేతుల మీదుగా లాంచ్ చేయనున్నారు. ఈ ట్రైలర్ మధ్యాహ్నం 12.06 గంటలకు ఆన్‌లైన్‌లో అందుబాటులో ఉంటుందని చిత్ర యూనిట్ తాజాగా వెల్లడించింది. పీరియాడిక్ థ్రిల్లర్ మూవీగా రానున్న ఈ సినిమాను దర్శకుడు కరుణ కుమార్ డైరెక్ట్ చేస్తున్నాడు. ఈ సినిమాలో మీనాక్షి చౌదరి, నోరా ఫతేహి ఇతర ముఖ్య పాత్రల్లో నటిస్తుండగా జివి.ప్రకాశ్ కుమార్ సంగీతాన్ని అందిస్తున్నాడు.