తమిళ హీర శివ కార్తికేయన్ నటించిన లేటెస్ట్ మూవీ ‘అమరన్’ భారీ అంచనాల మధ్య గ్రాండ్ రిలీజ్ అయ్యింది. ఈ సినిమాను మేజర్ ముకుంద్ వరదరాజన్ జీవితకథ ఆధారంగా తెరకెక్కించగా, ఇందులో శివ కార్తికేయన్ ఓ ఆర్మీ మేజర్ పాత్రలో నటించాడు. ఇక ఈ సినిమా రిలీజ్‌కి ముందే అదిరిపోయే హైప్‌ని క్రియేట్ చేసింది. ఇక వరల్డ్‌వైడ్‌గా రిలీజ్ అయి ఈ సినిమాకు బాక్సాఫీస్ దగ్గర మంచి రెస్పాన్స్ దక్కుతోంది.
ఈ చిత్రానికి పాజిటివ్ టాక్ వస్తుండటంతో తొలిరోజే ఈ మూవీ భారీ వసూళ్లను రాబట్టింది. ప్రపంచవ్యాప్తంగా అమరన్ చిత్రం ఏకంగా రూ.42.3 కోట్ల గ్రాస్ వసూళ్లను తొలిరోజే రాబట్టిందని చిత్ర యూనిట్ అధికారికంగా అనౌన్స్ చేసింది. లాంగ్ వీకెండ్ ఉండటంతో, ఈ మూవీ కలెక్షన్స్ మరింతగా పెరుగుతాయని మేకర్స్ ధీమా వ్యక్తం చేస్తున్నారు.
ఈ సినిమాలో అందాల భామ సాయి పల్లవి హీరోయిన్‌గా నటించింది. ఈ చిత్రాన్ని రాజ్‌కుమార్ పెరియసామి డైరెక్ట్ చేయగా, స్టార్ హీరో కమల్ హాసన్ ప్రొడ్యూస్ చేశాడు. ఈ చిత్రానికి జివి.ప్రకాశ్ కుమార్ సంగీతం అందించాడు.