క్రియేటివ్ జీనియస్ సుకుమార్ తెరకెక్కిస్తున్న ప్రెస్టీజియస్ సీక్వెల్ మూవీ ‘పుష్ప-2’ ఇప్పటికే టాలీవుడ్‌తో పాటు ఇండియన్ బాక్సాఫీస్ దగ్గర ఎలాంటి హైప్ క్రియేట్ చేసిందో అందరికీ తెలిసిందే. ఈ సినిమాతో ఐకాన్ స్టార్ అల్లు అర్జున్ రికార్డులను తిరగరాయడం ఖాయమని సినీ సర్కిల్స్‌తో పాటు అభిమానులు పూర్తి కాన్ఫిడెంట్‌గా ఉన్నారు.
ఇక ఈ సినిమాకు సంబంధించి రోజుకో వార్త సోషల్ మీడియాలో చక్కర్లు కొడుతోంది. ఈ సినిమాకు క్లైమాక్స్‌ను నెక్స్ట్ లెవెల్‌లో ప్లాన్ చేశాడట సుకుమార్. ఇప్పటికే ఈ సినిమా క్లైమాక్స్ ‘పుష్ప-3’కి లీడ్‌లా ఉండబోతుందనే వార్త వినిపించగా.. ఇప్పుడు ఈ లీడ్‌ని ఏకంగా ‘బాహుబలి’ తరహాలో ప్లాన్ చేశాడట సుకుమార్. బాహుబలిని కట్టప్ప ఎందుకు చంపాడు..? అనే రేంజ్‌లో పుష్ప-2 క్లైమాక్స్ ఉంటుందని.. ఈ క్లైమాక్స్‌లో ఓ స్టార్ యాక్టర్ ప్రమేయం కూడా ఉంటుందని వార్తలు వినిపిస్తున్నాయి.
మరి నిజంగానే పుష్ప-2 క్లైమాక్స్‌లో ఓ స్టార్ యాక్టర్ నటిస్తాడా.. లేక కేవలం వాయిస్ ఓవర్‌తో మేనేజ్ చేస్తాడా అనేది తెలియాల్సి ఉంది. ఇక ఈ సినిమాలో అందాల భామ రష్మిక మందన్న హీరోయిన్‌గా నటిస్తోండగా దేవిశ్రీ ప్రసాద్ ఈ సినిమాకు సంగీతాన్ని అందిస్తున్నాడు. డిసెంబర్ 5న పుష్ప-2 బాక్సాఫీస్ భరతం పట్టేందుకు రెడీ అవుతున్నాడు.