దీపావళి కానుకగా టాలీవుడ్ బాక్సాఫీస్ దగ్గర పలు సినిమాలు సందడి చేశాయి. అయితే, ఈ సినిమాల్లో తెలుగు ప్రేక్షకుల్లో మంచి బజ్‌ని క్రియేట్ చేసిని సినిమాలు ‘క’, ‘లక్కీ భాస్కర్’. ఈ రెండు సినిమాలు విభిన్నమైన కథాంశాలతో తెరకెక్కాయి. అయితే, ఈ రెండు సినిమాల్లో ఓ కామన్ పాయింట్ ఉంది. ఈ సినిమాల్లోని కంటెంట్‌పై ఆయా చిత్రాల హీరోలు, దర్శకనిర్మాతలు పూర్తి కాన్ఫిడెంట్‌గా కనిపించారు.
‘క’ సినిమాపై హీరో కిరణ్ అబ్బవరం పూర్తి కాన్ఫిడెంట్‌గా కనిపించాడు. ఇదే విషయాన్ని చిత్ర ప్రీ-రిలీజ్ ఈవెంట్‌లో చాలా ఎమోషనల్‌గా చెప్పాడు. ఈ సినిమాతో సాలిడ్ హిట్ కొట్టి తీరుతానని కిరణ్ అబ్బవరం తెలిపాడు. ఇక ‘లక్కీ భాస్కర్’ మూవీ విషయంలో నిర్మాత నాగవంశీ కూడా పూర్తి కాన్ఫిడెన్స్‌ను వ్యక్త పరిచాడు. ‘లక్కీ భాస్కర్’ మూవీ ఓ విభిన్నమైన కథతో వస్తోందని.. ఈ సినిమాలో ఏదైనా తప్పును గుర్తిస్తే, వారికి పిలిచి మరీ పార్టీ ఇస్తానంటూ నాగవంశీ ఛాలెంజ్ కూడా చేశాడు.
ఇలా రెండు సినిమాలపై ఆయా చిత్రాల మేకర్స్ కాన్ఫిడెంట్‌గా ఉండటంతో ప్రేక్షకుల్లో ఈ సినిమాపై మంచి బజ్‌ను క్రియేట్ చేశారు. ఇక వారు చెప్పినట్లుగానే దీపావళి కానుకగా భారీ స్థాయిలో రిలీజ్ చేసి బాక్సాఫీస్ దగ్గర హిట్టు కొట్టారు. ఇలా చెప్పి మరీ హిట్టు కొట్టడంతో ప్రేక్షకులు వారిని అభినందిస్తున్నారు.