దీపావళి కానుకగా టాలీవుడ్ బాక్సాఫీస్ దగ్గర పలు ఇంట్రెస్టింగ్ సినిమాలు రిలీజ్ అయ్యాయి. ఈ చిత్రాల్లో దర్శకుడు వెంకీ అట్లూరి డైరెక్ట్ చేసిన ‘లక్కీ భాస్కర్’ మంచి క్రేజ్‌తో రిలీజ్ అయ్యింది. దుల్కర్ సల్మాన్ హీరోగా నటించిన ఈ సినిమా ఆకట్టుకునే కంటెంట్‌తో రావడంతో ప్రేక్షకులు ఈ సినిమాను చూసేందుకు ఆసక్తిని చూపుతున్నారు.
ఇక ఈ సినిమాకు మంచి వసూళ్లు వస్తున్నట్లు చిత్ర వర్గాలు చెబుతున్నాయి. ఈ సినిమా రెండు రోజుల్లో ప్రపంచవ్యాప్తంగా ఏకంగా రూ.26.2 కోట్ల మేర గ్రాస్ వసూళ్లు రాబట్టింది. దీంతో ఈ సినిమా యూనానిమస్ హిట్ అని మేకర్స్ వెల్లడించారు. ఈ సినిమాలో స్క్రీన్‌ప్లే, దుల్కర్ సల్మాన్ పర్ఫార్మెన్స్‌లకు మంచి మార్కులు పడ్డాయి.
ఈ సినిమాలో అందాల భామ మీనాక్షి చౌదరి హీరోయిన్‌గా నటించింది. జివి.ప్రకాశ్ కుమార్ సంగీతం అందించిన ఈ సినిమాను నాగవంశీ, సాయి సౌజన్య ప్రొడ్యూస్ చేశారు. మున్ముందు ఈ సినిమాకు ఎలాంటి వసూళ్లు వస్తాయో చూడాలి.