ట్యాలెంటెడ్ యాక్టర్ సత్యదేవ్ ముఖ్య పాత్రలో నటిస్తున్న లేటెస్ట్ మూవీ ‘జీబ్రా’ ఇప్పటికే షూటింగ్ పనులు ముగించుకుని రిలీజ్‌కు రెడీ అయ్యింది. ఈ సినిమాను పూర్తి క్రైమ్ థ్రిల్లర్‌గా చిత్ర యూనిట్ రూపొందించింది. అయితే, దీపావళి కానుకగా రిలీజ్ కావాల్సిన ఈ సినిమాను మేకర్స్ వాయిదా వేశారు.
ఇక నవంబర్ 22న ఈ చిత్రాన్ని గ్రాండ్ రిలీజ్ చేస్తున్నట్లు వారు ఇప్పటికే అనౌన్స్ చేశారు. అయితే, ఈ సినిమా ప్రమోషన్స్‌ను వేగవంతం చేసేందుకు చిత్ర యూనిట్ రెడీ అయ్యింది. ఇందులో భాగంగానే ఈ మూవీకి సంబంధించిన ఫస్ట్ సింగిల్ సాంగ్‌ని నవంబర్ 4న ఉదయం 11.11 గంటలకు రిలీజ్ చేస్తున్నట్లు చిత్ర యూనిట్ తాజాగా ప్రకటించింది.
ఈ సినిమాకు రవి బస్రూర్ సంగీతం అందిస్తున్నాడు. డాలి ధనంజయ మరో లీడ్ రోల్ చేస్తున్న ఈ సినిమాలో సత్యరాజ్, ప్రియా భవానీ శంకర్, సునీల్ తదితరులు ఇతర ముఖ్య పాత్రల్లో నటిస్తున్నారు. ఈ సినిమాను ఈశ్వర్ కార్తీక్ డైరెక్ట్ చేస్తున్నాడు.