టాలీవుడ్ ప్రెజెంట్ షైనింగ్ యంగ్ అండ్ టాలెంటెడ్ హీరో కిరణ్ అబ్బవరం నటించిన లేటెస్ట్ సినిమా “క” తో మళ్ళీ భారీ హిట్ కొట్టి సాలిడ్ కం బ్యాక్ ని అయితే తాను అందుకున్నాడు. మరి తెలుగు యువతలో ఈ సినిమాపై మంచి పాజిటివ్ బజ్ నెలకొనగా సినిమా కూడా అంచనాలు అందుకోవడంతో సాలిడ్ వసూళ్లు కూడా రాబడుతుంది. అలా ఈ సినిమా రెండు రోజుల్లో 13 కోట్లకి పైగా గ్రాస్ ని అందుకొని మూడో రోజు కూడా స్టడీ వసూళ్లతో దూసుకెళ్తుంది. మరి ఇంతటి ఘన విజయాన్ని సాధించిన ఈ సినిమాకి మేకర్స్ రియల్ సక్సెస్ మీట్ ని అయితే పెట్టుకున్నారు. ఇందులో చిత్ర యూనిట్ సహా హీరో కిరణ్ అబ్బవరం కూడా ఇంట్రెస్టింగ్ కామెంట్స్ చేయడం జరిగింది మరి అవేంటో చూద్దాం.

నిర్మాత చింతా గోపాలకృష్ణ రెడ్డి మాట్లాడుతూ..”కిరణ్ గారు ఫస్ట్ క సినిమా స్క్రిప్ట్ నా దగ్గరకు తీసుకొచ్చినప్పుడు ఆయన కళ్లల్లో ఒక పట్టుదల చూశాను. కంటెంట్ చాలా కొత్తగా ఉంది అనిపించింది. మా సినిమాకు టీమ్ అంతా ప్రాణం పెట్టి పనిచేశారు. ఒక సక్సెస్ ఫుల్ సినిమా ఇవ్వాలని టీమ్ వర్క్ చేశారు. అలాగే వీలైనంత తక్కువలో ఎంత బాగా సినిమా చేయాలని వాళ్లు ప్రయత్నించారు. ప్రొడ్యూసర్ ను కాపాడుకోవాలి, అతను బాగుంటే ఇంకా సినిమాలు చేస్తాడని మా టీమ్ గట్టిగా కృషి చేసింది. కిరణ్ గారు ఎక్కువగా మాట్లాడేవారు గీత గోవిదంలో విజయ్ దేవరకొండలా, నేను రశ్మికలా తక్కువ మాట్లాడేవాడిని. ఈ రోజు అవన్నీ రీకాల్ చేసుకుంటుంటే ఎంతో సంతోషంగా ఉంది. నేనేనా ఇంత పెద్ద సూపర్ హిట్ సినిమా చేశాను అనిపిస్తోంది. ఇంకా నమ్మకం కుదరడం లేదు అందుకే సక్సెస్ కిక్ రావడం లేదు. నా టీమ్ అందరికీ శుభాకాంక్షలు చెబుతున్నా. అన్నారు.

అలాగే డిస్ట్రిబ్యూటర్ వంశీ నందిపాటి మాట్లాడుతూ.. “క సినిమా నా దగ్గరకు తీసుకొచ్చినప్పుడు ఈ సినిమాతో ఏదో మ్యాజిక్ జరుగుతుంది, మనం ఇరవై కోట్లు కాదు వంద కోట్ల సినిమా కొడుతున్నాం అని కిరణ్ చెప్పాడు. అతని మాటలే నాలో ఎంతో నమ్మకాన్ని కలిగించాయి. ఈ సినిమాను పెద్ద సంస్థలు కావాలని అడిగినా కిరణ్ గారి మాట మీద నాకే డిస్ట్రిబ్యూషన్ ఇచ్చిన ప్రొడ్యూసర్ గోపి గారికి థ్యాంక్స్. గోపి గారి లాంటి ప్రొడ్యూసర్ బాగుంటే కిరణ్ లాంటి హీరోలు మరో పది మంది వస్తారు. నాలాంటి వాళ్లు మరో వంద సినిమాలు చేస్తారు” అని తెలిపారు.

డైరెక్టర్ సందీప్ మాట్లాడుతూ..”క సినిమాకు ఘన విజయాన్ని ఇచ్చిన ఆడియెన్స్ కు థ్యాంక్స్. మా డైరెక్షన్ టీమ్ రాత్రీ పగలూ కష్టపడ్డారు. వారికి థ్యాంక్స్ చెబుతున్నా. సినిమాల విషయంలో చిన్నా పెద్దా అనేది లేదు. మనకున్న బడ్జెట్ లో ఎంత బాగా సినిమాను రూపొందించాము అనేది ఇంపార్టెంట్. క సినిమా విషయంలో మేము అలాంటి ప్రయత్నం చేశాం. మాకున్న సోర్సెస్ లో ఒక మంచి మూవీ మీ ముందుకు తీసుకొచ్చాం. ఫ్యూచర్ లోనూ ఇలాంటి మంచి మూవీస్ చేయాలనుకుంటున్నాం” అన్నారు.

ఇక యంగ్ హీరోయిన్ నయన్ సారిక మాట్లాడుతూ.. “మా మూవీ థియేటర్ లో చూసేందుకు వెళ్తాను. ఆడియెన్స్ మధ్య కూర్చుని చూస్తానని అడిగితే థియేటర్ వాళ్లు సీట్స్ ఖాళీగా లేవు అన్నారు. ఒక నాయికగా నాకు ఇంతకంటే సంతోషించాల్సిన విషయం మరొకటి లేదు. మా క మూవీకి ఆడియెన్స్ అంత బాగా ఆదరణ చూపిస్తున్నారు. నా కెరీర్ లో సత్యభామ క్యారెక్టర్ ఎప్పటికీ గుర్తుండిపోతుంది” అని తెలిపింది.

సినిమాకి పని చేసిన మరో డైరెక్టర్ సుజీత్ మాట్లాడుతూ..”ఫస్ట్ టైమ్ డైరెక్టర్స్ అయిన మాకు క వంటి బ్లాక్ బస్టర్ తొలి చిత్రంతోనే దక్కడం చాలా సంతోషంగా ఉంది. మా మొదటి సినిమానే హౌస్ ఫుల్స్ చూస్తున్నాం. క ఒక కాంప్లికేటెడ్ సబ్జెక్ట్. ఇలాంటి స్క్రిప్ట్ ను ప్రేక్షకులంతా ఆదరిస్తున్నారు. ఎంజాయ్ చేస్తున్నారంటే ఆనందంగా ఉంది. మాకు సపోర్ట్ గా నిలిచిన కిరణ్ గారితో పాటు టీమ్ లోని ప్రతి మెంబర్ కు మేము థ్యాంక్స్ చెబుతున్నాం” అన్నారు.

ఇక ఫైనల్ గా యువ హీరో కిరణ్ అబ్బవరం మాట్లాడుతూ..”క సినిమాకు ఘన విజయాన్ని అందించి ఈ దీపావళికి నాకు పెద్ద పండుగ ఇచ్చారు. మన తెలుగు ఆడియెన్స్ అందరికీ థ్యాంక్స్ చెబుతున్నాం. థ్యాంక్స్ అనేది చాలా చిన్న మాట. నన్ను గతంలో పక్కింటి కుర్రాడి ఇమేజ్ తో ప్రేక్షకులు చూశారు. ఇప్పుడు మన ఇంటి అబ్బాయి అని భావిస్తున్నారు. టికెట్స్ కావాలని, ఇంకా థియేటర్స్ పెంచాలనే డిమాండ్ పెరుగుతోంది. సినిమా పరిశ్రమ నుంచి కూడా చాలామంది అప్రిషియేట్ చేస్తున్నారు. అరవింద్ గారు, నాగవంశీ గారు, 14 రీల్స్ రామ్, గోపి గారు వీళ్లంతా శుభాకాంక్షలు తెలిపడం సంతోషంగా ఉంది. ఈ నెల 8వ తేదీన మలయాళంలో క సినిమాను రిలీజ్ చేస్తున్నాం. అలాగే తమిళనాట ఉన్న తెలుగు ప్రజలు తమకు షోస్ కావాలని అడుగుతున్నారు. ఇంత పెద్ద బ్లాక్ బస్టర్ అయ్యాక తమిళనాట ఎందుకు రిలీజ్ చేయడం లేదని అంటున్నారు. డిస్ట్రిబ్యూటర్ వంశీ గారిని తమిళనాట షోస్ వేయమని అడుగుతున్నా. ఫ్యామిలీస్ అంతా కలిసి మా క సినిమా చూసేందుకు వెళ్తున్నారు. అన్నిచోట్లా హౌస్ ఫుల్స్ కనిపించడం సంతోషంగా ఉంది. ఈ ట్రెండ్ ప్రీమియర్స్ నుంచే మొదలైంది. అన్నారు. క సినిమా విజయం నాకు ఈ గౌరవాన్ని తీసుకొచ్చింది. హిట్ కొట్టాడు అనకుండా హిట్ కొట్టేశాము అంటున్నారు. ఇది తమ విజయంగా భావిస్తున్న ప్రతి ఒక్కరికీ కృతజ్ఞతలు చెబుతున్నా. ఒక హీరోగా నాకు ఇంతకంటే ఇంకేం కావాలి. ఇంతమంది ఆదరణ ప్రేమ దక్కుతున్నాయి. ఈ సినిమా ఎంత కలెక్ట్ చేస్తుందా అనేది కాదు, ప్రేక్షకులకు చేరువైంది అనే విషయమే ఎక్కువ సంతోషాన్ని ఇస్తోంది. క సినిమాకు తప్పకుండా సీక్వెల్ చేస్తాం. అది కృష్ణగిరి ఊరి ప్రత్యేకతలతో ఉంటుంది” అని తెలిపి కిరణ్ అబ్బవరం ఆనందం వ్యక్తం చేసాడు.