తమిళ హీరో శివ కార్తికేయన్ నటించిన బయోపిక్ ‘అమరన్’. ఈ సినిమా మేజర్ ముకుంద్ వరదరాజన్ జీవితకథ ఆధారంగా తెరకెక్కింది. రాజ్ కుమార్ పెరియస్వామి డైరెక్ట్ చేసిన ఈ సినిమాలో సాయి పల్లవి హీరోయిన్ గా నటించి మెప్పించింది. మొత్తానికి బయోగ్రాఫికల్ యాక్షన్ డ్రామాగా వచ్చిన ఈ సినిమా దీపావళికి మంచి హిట్ ఫిల్మ్ గా నిలిచింది. ఆ హిట్ కి తగ్గట్టుగానే బాక్సాఫీస్ వద్ద కూడా మంచి కలెక్షన్లను సాధిస్తోంది.

ఈ క్రమంలోనే అమరన్ విడుదలైన మూడు రోజుల్లోనే రూ.100 కోట్ల క్లబ్‌లో చేరడం విశేషం. పైగా శివకార్తికేయన్ కెరీర్‌లోనే అత్యంత వేగవంతంగా ఈ సినిమా భారీ వసూళ్లు సాధించి రికార్డు సృష్టించింది. ఇటు తెలుగులో కూడా ఈ సినిమాకి మంచి ఓపెనింగ్స్ వస్తున్నాయి. ఈ ఫీల్ గుడ్ ఎమోషనల్ చిత్రాన్ని చూసేందుకు తెలుగు ప్రేక్షకులు కూడా ఆసక్తిగా థియేటర్లకు వెళ్తున్నారు.

ఇప్పుడున్న బాక్సాఫీస్ అప్ డేట్స్ ను బట్టి, రానున్న రోజుల్లో ఈ సినిమా ఇంకా సాలిడ్ కలెక్షన్స్ ను రాబట్టే అవకాశం ఉంది. జీవీ ప్రకాష్ కుమార్ సంగీతం అందించిన ఈ సినిమాకి సి.హెచ్. సాయి సినిమాటోగ్రఫీ అందించారు. ఉలగనాయగన్ కమల్ హాసన్, ఆర్. మహేంద్రన్ ఈ సినిమాని నిర్మించారు.