మ్యాచో స్టార్ గోపీచంద్ నటించిన లేటెస్ట్ మూవీ ‘విశ్వం’. ఈ సినిమాను దర్శకుడు శ్రీను వైట్ల తెరకెక్కించారు. కావ్య థాపర్ హీరోయిన్ గా నటించింది. దసరా కానుకగా వచ్చిన ఈ సినిమా బాగానే ఆడింది. ముఖ్యంగా శ్రీను వైట్ల మార్క్ కామెడీ సీన్స్ తో బాగానే నవ్వించింది. అయితే, ఈ సినిమా రీసెంట్ గానే ఓటీటీలో స్ట్రీమింగ్ అయింది. మొదట ప్రముఖ సంస్థ అమెజాన్ ప్రైమ్ వీడియోలో విశ్వం సినిమా స్ట్రీమింగ్ అయింది. ఓ వైపు అమెజాన్ ప్రైమ్ వీడియోలో విశ్వం సినిమా మంచి ఆదరణ లభిస్తూ ఉండగా.. మరోవైపు మరో ఓటీటీలో కూడా ఈ సినిమా స్ట్రీమింగ్ అయింది.
తెలుగు స్ట్రీమింగ్ యాప్ ఆహా లో ఈ సినిమా అందుబాటులోకి వచ్చింది. ఆహా లో కూడా విశ్వం సినిమాకు మంచి ఆదరణ లభిస్తూ ఉండటం విశేషం. థియేటర్స్ లో ఈ సినిమాని మిస్ అయిన ఫ్యామిలీస్ అన్ని ఓటీటీ ల్లో చూడటానికి ఇష్టపడుతున్నారు. ఇప్పుడున్న సమాచారం ప్రకారం.. గోపీచంద్ కెరీర్ లో ఓటీటీ పరంగా చూసుకుంటే.. ఈ సినిమా అత్యధిక వ్యూస్ ను సాధించే అవకాశం ఉంది. ఇక ఈ చిత్రానికి చేతన్ భరద్వాజ్ సంగీతం అందించగా పీపుల్ మీడియా ఫ్యాక్టరీ వారు నిర్మాణం వహించిన సంగతి తెలిసిందే.