మన టాలీవుడ్ సినిమా దగ్గర ఉన్నటువంటి టాప్ మోస్ట్ నిర్మాతల్లో దిల్ రాజు కూడా ఒకరు. మరి తన కెరీర్ స్టార్టింగ్ లోనే పలు సాలిడ్ హిట్స్ చిన్న సినిమాలు నుంచే మొదలు పెట్టి సాలిడ్ ట్రాక్ రికార్డు సెట్ చేసుకున్న సంగతి తెలిసిందే. ఎన్నో బ్యూటిఫుల్ సినిమాలు తన నుంచి నిర్మాణం లేదా డిస్ట్రిబ్యూషన్ జరిగి సక్సెస్ ఫుల్ నిర్మాతగా అలాగే డిస్ట్రిబ్యూటర్ గా తాను ఒక మార్క్ సెట్ చేసుకున్నారు.
అయితే ఇపుడు దిల్ రాజు కొంచెం ట్రాక్ తప్పినట్టుగా తానే చెప్పడం గమనార్హం. ఒకప్పుడు తాను చిన్న సినిమాలు, మిడ్ రేంజ్ సినిమాలతో హిట్స్ కొట్టేవాడిని అని కానీ ఇపుడు ట్రాక్ తప్పాను దానిని వంశీ మైంటైన్ చేస్తున్నాడు ఎలాంటి మొహమాటం లేకుండా తెలపడం విశేషం. దీనితో తన కామెంట్స్ ఇపుడు వైరల్ గా మారాయి. మరి నాగవంశీ ప్రస్తుతం లక్కీ భాస్కర్ తో సాలిడ్ హిట్ అందుకోగా దిల్ రాజు నుంచి గ్లోబల్ స్టార్ రామ్ చరణ్ అలాగే మావెరిక్ దర్శకుడు శంకర్ తో చేసిన భారీ సినిమా “గేమ్ ఛేంజర్” తో రాబోతున్నారు.