తెలుగు సినిమా దగ్గర మంచి అంచనాలు నడుమ రీసెంట్ గా రిలీజ్ కి వచ్చిన ఈ దీపావళి సినిమాల్లో దుల్కర్ సల్మాన్ హీరోగా నటించిన ఇంట్రెస్టింగ్ ప్రాజెక్ట్ “లక్కీ భాస్కర్” కూడా ఒకటి. మరి మంచి బజ్ ని సంతరించుకొని వచ్చిన ఈ సినిమా సాలిడ్ పాజిటివ్ టాక్ ని సొంతం చేసుకొని మంచి బుకింగ్స్ తో దూసుకెళ్తుంది.
అయితే ఈ సినిమాని తెరకెక్కించిన దర్శకుడు వెంకీ అట్లూరికి తన విజన్ కి కూడా మంచి ప్రశంసలు దక్కాయి. ఇలా సినిమాలో తాను డిజైన్ చేసిన ఓ పర్టిక్యులర్ సీన్ ఆడియెన్స్ లో మంచి రెస్పాన్స్ అందుకోవడం విశేషం. కాగా ఈ సినిమా సెకండాఫ్ లో దుల్కర్ సల్మాన్ తన ఫ్యామిలీతో షాపింగ్ చేసే ఒక మాస్ ఎపిసోడ్ వేరే లెవెల్లో అనిపిస్తుంది.
దీనితో ఈ సినిమా చూసిన చాలా మంది ఈ ఒక్క ఎపిసోడ్ కి మాత్రం చాలా కనెక్ట్ అయ్యిపోయారు. సినిమాలో బిగ్గెస్ట్ హైలైట్ సీన్స్ లో ఇది ఒకటి అని ఒక్క తెలుగు ఆడియెన్స్ మాత్రమే కాకుండా తమిళ్ ఆడియెన్స్ కూడా ఎంతో ప్రశంసలు అందిస్తుండడం విశేషం. దీనితో ఈ సీన్ కోసం ఇపుడు నెటిజన్స్ లో చర్చగా మారింది.