టాలీవుడ్‌లో తెరకెక్కుతున్న మరో క్రేజీ మల్టీస్టారర్ మూవీకి ‘భైరవం’ అనే పవర్‌ఫుల్ టైటిల్‌ను లాక్ చేశారు మేకర్స్. ఈ సినిమాలో బెల్లంకొండ శ్రీనివాస్, మంచు మనోజ్, నారా రోహిత్ వంటి స్టార్స్ నటిస్తుండటంతో ఈ సినిమాపై సినీ సర్కిల్స్‌తో పాటు ప్రేక్షకుల్లో సాలిడ్ అంచనాలు క్రియేట్ అయ్యాయి. ఇక ఈ సినిమా నుండి తాజాగా టైటిల్‌తో పాటు ఫస్ట్ లుక్ పోస్టర్‌ని కూడా మేకర్స్ రిలీజ్ చేశారు.
ఈ సినిమాను దర్శకుడు విజయ్ కనకమేడల డైరెక్ట్ చేస్తుండటంతో ఈ చిత్రం ఎలాంటి కథతో వస్తుందా అని అందరూ ఆసక్తిగా చూస్తున్నారు. ఇక ఈ సినిమా ఫస్ట్ లుక్‌లో హీరో బెల్లంకొండ శ్రీనివాస్ రక్తపు మరకలతో చేతిలో త్రిశూలం పట్టుకుని కూర్చుని ఉన్న పోస్టర్ ప్రేక్షకుల్లో ఆసక్తిని క్రియేట్ చేస్తోంది.
‘భైరవం’ అనే టైటిల్ కూడా పవర్‌ఫుల్‌గా ఉండటం.. రిలీజ్ చేసిన ఫస్ట్ లుక్ పోస్టర్ కూడా పవర్‌ఫుల్‌గా ఉండటంతో ఈ సినిమాపై అంచనాలు క్రియేట్ అవుతున్నాయి. ఈ సినిమాను శ్రీ సత్యసాయి ఆర్ట్స్ ప్రొడక్షన్ బ్యానర్‌పై కెకె.రాధామోహన్ ప్రొడ్యూస్ చేస్తున్నారు. శ్రీచరణ్ పాకాల ఈ సినిమాకు సంగీతాన్ని అందిస్తుండగా హరి కె వేదాంతం సినిమాటోగ్రఫీ అందిస్తున్నారు.