మలయాళ హీరో దుల్కర్ సల్మాన్ నటించిన రీసెంట్ మూవీ ‘లక్కీ భాస్కర్’ దీపావళి కానుకగా రిలీజ్ అయ్యి బాక్సాఫీస్ దగ్గర సందడి చేస్తోంది. ఈ సినిమాను దర్శకుడు వెంకీ అట్లూరి డైరెక్ట్ చేయగా, అన్ని వర్గాల ప్రేక్షకులు మెచ్చే కంటెంట్‌తో ఈ సినిమా వచ్చిందంటూ థియేటర్ల వద్ద ప్రేక్షకులు ఈ సినిమాకు పాజిటివ్ టాక్‌ను ఇస్తున్నారు. ఇక ఈ సినిమా మిగతా చిత్రాలకు సైతం పోటీగా మంచి సాలిడ్ టాక్‌తో దూసుకెళ్తోంది.

అటు బాక్సాఫీస్ దగ్గర వసూళ్ల విషయంలోనూ ఈ సినిమా ఏమాత్రం వెనకడుగు వేయడం లేదు. లక్కీ భాస్కర్ చిత్రం 4 రోజుల్లోనూ రూ.50 కోట్ల మార్క్ దాటింది. ఇక 5 రోజుల ముగిసే సరికి ఈ సినిమా వరల్డ్‌వైడ్‌గా ఏకంగా రూ.61.4 కోట్ల మేర గ్రాస్ వసూళ్లు రాబట్టినట్లు మేకర్స్ అధికారికంగా ప్రకటించారు. ఇలా లక్కీ భాస్కర్ చిత్రం వసూళ్ల పరంగా దూసుకెళ్తుండటంతో మేకర్స్ సంతోషం వ్యక్తం చేస్తున్నారు.

ఈ సినిమాలో అందాల భామ మీనాక్షి చౌదరి హీరోయిన్‌గా నటించగా, జీవి.ప్రకాశ్ కుమార్ ఈ చిత్రానికి సంగీతం అందించాడు. సితార ఎంటర్‌టైన్‌మెంట్స్, ఫార్చున్ ఫోర్ సినిమాస్ బ్యానర్లు ఈ చిత్రాన్ని సంయుక్తంగా ప్రొడ్యూస్ చేశాయి.