సుప్రీమ్ హీరో సాయి దుర్గ తేజ్ నటిస్తున్న లేటెస్ట్ మూవీని SDT18 అనే వర్కింగ్ టైటిల్‌తో తెరకెక్కిస్తున్నారు. భారీ థ్రిల్లింగ్ పీరియడ్ యాక్షన్ డ్రామాగా తెరకెక్కుతున్న ఈ సినిమాను రోహిత్ కెపి డైరెక్ట్ చేస్తుండగా, ఈ సినిమాలో భారీ క్యాస్టింగ్ నటిస్తోంది. ఇప్పటికే ఈ సినిమా మేకింగ్ గ్లింప్స్‌ని చిత్ర యూనిట్ రిలీజ్ చేయగా, దానికి ప్రేక్షకుల నుండి మంచి రెస్పాన్స్ దక్కింది.
ఇక ఈ సినిమాలో వెర్సటైల్ యాక్టర్ జగపతి బాబు ఓ కీలక పాత్రలో నటిస్తున్నట్లు ఇటీవల చిత్ర యూనిట్ అనౌన్స్ చేసింది. అయితే, తాజాగా ఈ సినిమాలో మరో విలక్షణ నటుడు, డైలాగ్ కింగ్ సాయి కుమార్ కూడా ఓ వైవిధ్యమైన పవర్‌ఫుల్ పాత్రలో నటిస్తున్నట్లు చిత్ర యూనిట్ వెల్లడించింది. ఈ మేరకు ఓ పవర్‌ఫుల్ పోస్టర్‌ని కూడా వారు రిలీజ్ చేశారు. సాయి కుమార్ పాత్ర ఈ సినిమాను నెక్స్ట్ లెవెల్‌కి తీసుకెళ్తుందని మేకర్స్ ధీమా వ్యక్తం చేస్తున్నారు.
ఈ సినిమా కోసం సాయి దుర్గ తేజ్ భారీ మేకోవర్ చేస్తున్నాడు. ఆయన ఇప్పటికే భారీగా బాడీ బిల్డ్ చేస్తున్న విషయం తెలిసిందే. ఇక ఈ సినిమాలో అందాల భామ ఐశ్వర్య లక్ష్మీ హీరోయిన్‌గా నటిస్తోండగా ఈ సినిమాకు అజనీష్ లోక్‌నాథ్ సంగీతం అందిస్తున్నాడు. ఈ చిత్రాన్ని నిరంజన్ రెడ్డి, చైతన్య రెడ్డి ప్రొడ్యూస్ చేస్తున్నారు.