పాన్ ఇండియా స్టార్ ప్రభాస్ ప్రస్తుతం వరుసగా సినిమాలు చేస్తూ బిజీగా ఉన్నాడు. ఇప్పటికే ‘ది రాజా సాబ్’ చిత్రంలో నటిస్తున్న ప్రభాస్, హను రాఘవపూడి దర్శకత్వంలోనూ ఓ సినిమా చేస్తున్నాడు. ఇక ఇప్పుడు ప్రభాస్ అభిమానులు ఎంతో ఆసక్తిగా ఎదురుచూస్తున్న మరో క్రేజీ సీక్వెల్ మూవీ కూడా మొదలయ్యింది.
దర్శకుడు ప్రశాంత్ నీల్ దర్శకత్వంలో వచ్చిన ‘సలార్’ చిత్రం బాక్సాఫీస్ దగ్గర ఎలాంటి సెన్సేషన్ క్రియేట్ చేసిందో అందరికీ తెలిసిందే. పూర్తి యాక్షన్ ఎంటర్‌టైనర్‌గా వచ్చిన ఈ సినిమాలో ప్రభాస్ ఊరమాస్ అవతారంలో యాక్షన్ మోడ్‌లోకి మారిపోయి బాక్సాఫీస్ దగ్గర సెన్సేషన్ క్రియేట్ చేశాడు. ఇక ఈ సినిమాకు సీక్వెల్ కూడా ఉంటుందని గతంలోనే వెల్లడించారు మేకర్స్. ఇప్పుడు ఈ సీక్వెల్ మూవీ చిత్రాన్ని ప్రారంభించినట్లుగా చిత్ర దర్శకనిర్మాతలు తాజాగా అనౌన్స్ చేశారు.
‘ఎపిక్ జర్నీ మొదలైంది’ అంటూ వారు ‘‘సలార్ – పార్ట్ 2 శౌర్యంగ పర్వం’’ టైటిల్‌తో తెరకెక్కుతున్న ఈ సినిమాలో అందాల భామ శ్రుతి హాసన్ హీరోయిన్‌గా నటిస్తోంది. పృథ్వీరాజ్ సుకుమారన్, శ్రియా రెడ్డి తదితరులు ఇతర ముఖ్య పాత్రల్లో నటిస్తున్న ఈ సినిమాకు రవి బస్రూర్ సంగీతం అందిస్తుండగా హోంబలే ఫిలింస్ భారీ బడ్జెట్‌తో ప్రొడ్యూస్ చేస్తున్నారు.
The journey is going to be epic…????#Salaar2 begins!#PrabhasXHombal3Films #Prabhas #PrashanthNeel @PrithviOfficial @Vkiragandur @hombalefilms pic.twitter.com/ZbTqk39mne
— Hombale Films (@hombalefilms) November 8, 2024