తమిళ హీరో సూర్య నటిస్తున్న లేటెస్ట్ మూవీ ‘కంగువా’ ఇప్పటికే ప్రేక్షకుల్లో సాలిడ్ అంచనాలను క్రియేట్ చేసింది. దర్శకుడు శివ డైరెక్ట్ చేస్తున్న ఈ ఫాంటెసీ యాక్షన్ థ్రిల్లర్ మూవీలో సూర్య సరికొత్త లుక్‌తో కనిపిస్తున్నాడు. ఈ సినిమా పోస్టర్స్, టీజర్, ట్రైలర్లు మూవీపై అంచనాలను పెంచేశాయి. ఇక ఈ చిత్రాన్ని మేకర్స్ భారీగా ప్రమోట్ చేస్తూ ప్రేక్షకుల్లో మంచి వైబ్స్ క్రియేట్ చేస్తున్నారు.
నవంబర్ 14న పాన్ ఇండియా స్థాయిలో ఈ సినిమాను రిలీజ్ చేస్తున్నారు. ఈ సినిమాకు సంబంధించిన సెన్సార్ పనులు తాజాగా ముగిసినట్లు చిత్ర యూనిట్ తెలిపింది. ఈ సినిమాకు సెన్సార్ బోర్డు యూ/ఏ సర్టిఫికెట్‌ను జారీ చేసింది. ప్రేక్షకులను సరికొత్త ప్రపంచంలోకి ‘కంగువా’ మూవీ తీసుకెళ్తుందని చిత్ర యూనిట్ ధీమా వ్యక్తం చేస్తోంది.
ఇక ఈ సినిమాలో బాలీవుడ్ నటుడు బాబీ డియోల్ విలన్ పాత్రలో నటిస్తుండగా దిశా పటాని హీరోయిన్‌గా నటిస్తోంది. దేవిశ్రీ ప్రసాద్ సంగీతం అందిస్తున్న ఈ సినిమాను స్టూడియో గ్రీన్, యూవీ క్రియేషన్స్ సంయుక్తంగా ప్రొడ్యూస్ చేస్తున్నారు.