గ్లోబల్ స్టార్ రామ్ చరణ్ తన మోస్ట్ అవైటెడ్ మూవీ ‘గేమ్ ఛేంజర్’తో ఆట మొదలెట్టాడు. ఈ సినిమా నుండి వరుస అప్డేట్స్ రాబోతున్నాయని మేకర్స్ గతకొద్ది రోజులుగా చెబుతూ వస్తున్నారు. ఇక వారు చెప్పినట్లుగానే అభిమానులకు అదిరిపోయే ట్రీట్‌లు ఇచ్చేందుకు సిద్ధమయ్యారు. నవంబర్ 9న ఈ చిత్రానికి సంబంధించిన టీజర్‌ను భారీ స్థాయిలో రిలీజ్ చేసేందుకు చిత్ర యూనిట్ రెడీ అయ్యారు.
అయితే, టీజర్ కంటే ముందే మరో సాంపిల్ ట్రీట్ కూడా వదిలారు. ‘గేమ్ ఛేంజర్’ టీజర్ ప్రోమోను తాజాగా రిలీజ్ చేశారు. ఈ ప్రోమోతోనే హైప్ ఎక్కించేశాడు గ్లోబల్ స్టార్. డ్యూటీ ఎక్కబోతున్నట్లుగా ఈ టీజర్ కట్ ఉండటంతో అభిమానులు పండగ చేసుకుంటున్నారు. ఇక రేపు ఈ టీజర్ రిలీజ్ కావడం.. రికార్డులు క్రియేట్ అవడం గ్యారెంటీ అంటూ వారు సోషల్ మీడియాలో కామెంట్ చేస్తున్నారు.
ఈ సినిమాలో రామ్ చరణ్ ఓ పవర్‌ఫుల్ ఐఏఎస్ అధికారిగా కనిపించనున్నాడు. అందాల భామ కియారా అద్వానీ హీరోయిన్‌గా నటిస్తున్న ఈ సినిమాలో ఎస్.జె.సూర్య, సునీల్, శ్రీకాంత్, అంజలి తదితరులు ఇతర ముఖ్య పాత్రల్లో నటిస్తున్నారు. దర్శకుడు శంకర్ ప్రెస్టీజియస్‌గా తెరకెక్కించిన ఈ సినిమాకు థమన్ సంగీతం అందిస్తుండగా.. దిల్ రాజు, శిరీష్ ఈ చిత్రాన్ని భారీ బడ్జెట్‌తో ప్రొడ్యూస్ చేస్తున్నారు.
ప్రోమో కోసం ఇక్కడ క్లిక్ చేయండి