ఐకాన్ స్టార్ అల్లు అర్జున్ నటిస్తున్న లేటెస్ట్ సెన్సేషన్ ‘పుష్ప-2’ కోసం దేశవ్యాప్తంగా సినీ లవర్స్ ఎంత ఆసక్తిగా ఎదురుచూస్తున్నారో అందరికీ తెలిసిందే. ఈ సినిమాను దర్శకుడు సుకుమార్ తనదైన మార్క్‌తో తెరకెక్కించగా, ఇప్పటికే ఈ సినిమా బాక్సాఫీస్ దగ్గర సెన్సేషన్ క్రియేట్ చేయడం ఖాయమనే అంచనాలు పీక్స్‌కి చేరుకున్నాయి. ఇక ఈ సినిమాను డిసెంబర్ 5న వరల్డ్‌వైడ్‌గా గ్రాండ్ రిలీజ్ చేసేందుకు మేకర్స్ రెడీ అవుతున్నారు.
ఈ క్రమంలో ‘పుష్ప-2’ ప్రమోషన్స్‌ను షురూ చేశారు మేకర్స్. అయితే, ఇప్పుడు ఈ సినిమాకు సంబంధించి సోషల్ మీడియాలో అనేక వార్తలు చక్కర్లు కొడుతున్నాయి. ఇందులో ఈ మూవీ రన్‌టైమ్‌కి సంబంధించి ఓ ఇంట్రెస్టింగ్ వార్త కూడా జోరుగా వినిపిస్తోంది. ‘పుష్ప-2’ చిత్రానికి సంబంధించిన రన్‌టైమ్ దాదాపుగా మూడుంబావు గంటలు ఉంటుందని తెలుస్తోంది. దీనికి తోడు మరో రెండు సాంగ్స్, ప్యాచ్ వర్క్ కూడా యాడ్ చేయాల్సి ఉందట. దీంతో ఈ సినిమా టోటల్ రన్‌టైమ్ మూడున్నర గంటలు ఉంటుందని వార్తలు వినిపిస్తున్నాయి.
అయితే, ఇంత పెద్ద రన్‌టైమ్‌తో వచ్చిన సినిమాలు బాక్సాఫీస్ దగ్గర మంచి విజయాలను కూడా అందుకున్నాయి. అటు సుకుమార్ నుండి వచ్చే సినిమాల నిడివి కూడా మూడు గంటలు ఉంటుండటంతో, ‘పుష్ప-2’కి ఈ రన్‌టైమ్ పెద్ద ప్రాబ్లెం కాదని అభిమానులు అంటున్నారు. అయితే, అన్నీ పర్ఫెక్ట్‌గా ప్లాన్ చేసే సుకుమార్, ఈ చిత్ర రన్‌టైమ్‌ను కూడా కొంతమేర ట్రిమ్ చేయడం ఖాయమని.. ఈ మూవీ రన్‌టైమ్ మూడు గంటలకు అటు ఇటుగా ఉండటం ఫిక్స్ అని వారు కాన్ఫిడెంట్‌గా చెబుతున్నారు. ఏదేమైనా ఇప్పుడు ‘పుష్ప-2’ మేనియాతో సోషల్ మీడియా షేక్ అవుతుండటంతో అభిమానులు ఈ సినిమా కోసం మరింత ఆసక్తిగా చూస్తున్నారు.