టాలీవుడ్‌లో తెరకెక్కిన లేటెస్ట్ మూవీ ‘జీబ్రా’ నవంబర్ 22న గ్రాండ్ రిలీజ్‌కు రెడీ అయ్యింది. ఈ సినిమాను దర్శకుడు ఈశ్వర్ కార్తీక్ డైరెక్ట్ చేస్తుండగా పూర్తి సస్పెన్స్ ఫైనాన్షియల్ థ్రిల్లర్‌గా ఈ సినిమా తెరకెక్కింది. ఇక ఈ సినిమా ప్రీ-రిలీజ్ ఈవెంట్ ఘనంగా నిర్వహించారు మేకర్స్. ఈ ఈవెంట్‌కి మెగాస్టార్ చిరంజీవి ముఖ్య అతిథిగా హాజరయ్యారు. ఈ సందర్భంగా ఆయన ఈ చిత్ర ట్రైలర్‌ని రిలీజ్ చేశారు.
ఈ ట్రైలర్ ఆద్యంతం ఆర్థిక మోసాల నేపథ్యంలో సాగడంతో ప్రేక్షకుల్లో సినిమాపై క్యూరియాసిటీ క్రియేట్ అయ్యింది. ఇక ఈ ట్రైలర్ కట్ చూస్తుంటే, ఈ చిత్రానికి స్క్రీన్‌ప్లే చాలా గ్రిప్పింగ్‌గా ఉండబోతుందని.. రవి బస్రూర్ అందించిన బీజీఎంతో పాటు సత్యదేవ్, ధనంజయ లాంటి యాక్టర్స్ తమ పర్ఫార్మెన్స్‌తో సినిమాను థ్రిల్లింగ్‌గా తీసుకురాబోతున్నారని తెలుస్తోంది.
మరి ట్రైలర్‌తో ఆకట్టుకున్న ‘జీబ్రా’ మూవీ బిగ్ స్క్రీన్స్‌పై ఎలాంటి రెస్పాన్స్‌ను అందుకుంటుందో చూడాలి. ఇక ఈ సినిమాలో సత్యరాజ్, ప్రియా భవానీ శంకర్, సునీల్, సత్య తదితరులు ఇతర ముఖ్య పాత్రల్లో నటిస్తున్నారు.
ట్రైలర్ కోసం ఇక్కడ క్లిక్ చేయండి