వర్సటైల్ యాక్టర్ సత్యదేవ్ నటించే సినిమాలపై ప్రేక్షకుల్లో మంచి అంచనాలు నెలకొంటాయి. ఆయన నటించే సినిమాల్లో ఖచ్చితంగా ఆకట్టుకునే అంశం ఉంటుందని అభిమానులు భావిస్తారు. ఇక ఈ హీరో నటిస్తున్న లేటెస్ట్ మూవీ ‘జీబ్రా’ రిలీజ్‌కు రెడీ అవుతోంది. నవంబర్ 22న ఈ సినిమాను గ్రాండ్‌గా రిలీజ్ చేసేందుకు మేకర్స్ సిద్ధమవుతుండగా.. దర్శకుడు ఈశ్వర్ కార్తీక్ ఈ చిత్రాన్ని డైరెక్ట్ చేస్తున్నాడు. ఇక తాజాగా ఈ సినిమా మెగా ఈవెంట్‌ను గ్రాండ్‌గా నిర్వహిస్తున్నారు.
ఈ ఈవెంట్‌కు దర్శకుడు వెంకటేష్ మహా కూడా అతిథిగా వచ్చారు. ఆయన ఈ ఈవెంట్‌లో మాట్లాడుతూ.. సత్యదేవ్ అంటే తనకు ఎంతో ఇష్టమైన యాక్టర్ అని.. ఆయనతో గతంలో ఓ సినిమా చేశానని.. త్వరలోనే ఆయనతో మరో సినిమా చేస్తానని ప్రకటించారు. ఇక ఈ సినిమా ప్రేక్షకులకు సరికొత్త అనుభవాన్ని ఇస్తుందని ఆయన ధీమా వ్యక్తం చేశారు.
గతంలో ‘C/O కంచెరపాలెం’, ‘ఉమా మహేశ్వర ఉగ్ర రూపస్య’ వంటి వైవిధ్యమైన సినిమాలను తెరకెక్కించిన వెంకటేష్ మహా, ఈసారి సత్యదేవ్‌తో ఎలాంటి సినిమా చేస్తాడా అని ప్రేక్షకులు ఆసక్తిగా చూస్తున్నారు.