క్రియేటివ్ డైరెక్టర్ సుకుమార్ దర్శకత్వంలో ఐకాన్ స్టార్ అల్లు అర్జున్ హీరోగా రాబోతున్న ‘పుష్ప 2 ది రూల్’ కోసం ఫ్యాన్స్ ఎంతో ఆసక్తిగా ఎదురుచూస్తున్నారు. ఇప్పటికే, రిలీజ్ అయిన ఈ ట్రైలర్ అద్భుతంగా అలరిస్తోంది. ఈ క్రమంలో ‘పుష్ప 2’ ట్రైలర్ మీద కిరణ్ అబ్బవరం ట్వీట్ వేశాడు. వైల్డ్ ఫైర్.. డిసెంబర్ 5 కోసం వెయిటింగ్ అని ట్వీట్ వేశాడు. ఈ ట్వీట్‌కు బన్నీ రిప్లై ఇచ్చాడు. థాంక్యూ బ్రదర్.. బిజీగా ఉండటం వల్ల మీ సినిమాను చూడలేకపోయా.. క్షమించండి.. నేను క మూవీని చూసి మీకు కాల్ చేస్తా అని అల్లు అర్జున్ ఆన్నాడు.
దీనికి మళ్లీ కిరణ్ అబ్బవరం స్పందిస్తూ థాంక్యూ అన్నా అని రిప్లై ఇచ్చాడు. ఇక కిరణ్ అబ్బవరం దీపావళికి క మూవీతో బ్లాక్ బస్టర్ హిట్ కొట్టిన సంగతి తెలిసిందే. కాగా పుష్ప మూవీలో నేషనల్ క్రష్ రష్మిక మందన్న హీరోయిన్ గా నటిస్తుంది. కాగా మైత్రి మూవీ మేకర్స్ సంస్థ పై నవీన్ ఎర్నేని, వై. రవిశంకర్ పాన్ ఇండియన్ రేంజ్ లో గ్రాండ్ గా నిర్మిస్తున్నారు. ఈ భారీ బడ్జెట్ చిత్రానికి దేవి శ్రీ ప్రసాద్ తో పాటు తమన్ కూడా సంగీతం అందిస్తున్నారు.