మాస్ కా దాస్ విశ్వక్ సేన్ నటించిన లేటెస్ట్ మూవీ ‘మెకానిక్ రాకీ’ నవంబర్ 22న గ్రాండ్ రిలీజ్‌క రెడీ అయ్యింది. ఈ సినిమాను రవితేజ ముళ్లపూడి డైరెక్ట్ చేస్తుండగా పూర్తి యాక్షన్ ఎంటర్‌టైనర్‌గా ఈ మూవీ ప్రేక్షకులను ఆకట్టుకుంటుందని మేకర్స్ ధీమా వ్యక్తం చేస్తున్నారు. ఇక ఈ సినిమాతో సాలిడ్ హిట్ కొట్టేందుకు విశ్వక్ సేన్ తీవ్రంగా కష్టపడుతున్నాడు.
అయితే, ఈ సినిమా రిలీజ్ తరువాత తన నెక్స్ట్ చిత్రాలను కూడా వరుసగా లైన్‌లో పెట్టేందుకు రెడీ అవుతున్నాడు ఈ హీరో. ఇప్పటికే లైలా అనే సినిమాలో నటించేందుకు సిద్ధమవుతున్నాడు విశ్వక్. ఈ సినిమాతో పాటు ఇప్పుడు మరో రెండు సినిమాలను కూడా ఆయన సైన్ చేసినట్లుగా సినీ సర్కిల్స్‌లో వార్తలు వినిపిస్తున్నాయి. దర్శకుడు కెవి అనుదీప్ డైరెక్షన్‌లో ఓ సినిమా చేసేందుకు విశ్వక్ రెడీ అవుతున్నాడు.
ఈ సినిమాతో పాటు ‘భీమ్లా నాయక్’ ఫేం దర్శకుడు సాగర్ కె చంద్ర డైరెక్షన్‌లోనూ విశ్వక్ ఓ సినిమా చేయబోతున్నాడనే టాక్ వినిపిస్తోంది. అయితే, ఈ రెండు సినిమాలకు సంబంధించిన అఫీషియల్ అనౌన్స్‌మెంట్ వచ్చే వరకు వెయిట్ చేయాల్సిందే.