గోవాలో జరుగుతున్న ప్రెస్టీజియస్ ఐఎఫ్ఎఫ్ఐ(IFFI) 2024 ఫిలిం ఫెస్టివల్ గ్రాండ్‌గా ప్రారంభమైంది. ఈ వేడుకలో పాల్గొనేందుకు ఫిలిం ఇండస్ట్రీకి చెందిన పలువురు స్టార్ట్స్ గోవాకు చేరుకున్నారు. ఇక టాలీవుడ్ నుండి అక్కినేని ఫ్యామిలీ కూడా ఈ ఫిలిం ఫెస్టివల్‌లో సందడి చేసింది.
ఈ ఫిలిం ఫెస్టివల్‌లో లెజెండరీ నటుడు అక్కినేని నాగేశ్వర రావు నటంచిన దేవదాసు చిత్రాన్ని షోకేస్ చేశారు. ఈ స్పెషల్ మూమెంట్‌లో పాల్గొనేందుకు అక్కినేని ఫ్యామిలీ ఈ వేడుకలో పాల్గొన్నారు. రెడ్ కార్పె్ట్‌పై అక్కినేని ఫ్యామిలీ మెంబర్స్ వాక్ చేస్తూ ఫోటోగ్రాఫర్లకు పోజులిచ్చారు. వీరిలో కాబోయే దంపతులు నాగచైతన్య, శోభిత ధూళిపాల స్పెషల్ అట్రాక్షన్‌గా నిలిచారు.
ఇక ఈ జంట త్వరలోనే పెళ్లిపీటలు ఎక్కబోతున్న సంగతి తెలిసిందే. ఇప్పటికే నిశ్చితార్థం పూర్తి చేసుకున్న నాగచైతన్య, శోభిత డిసెంబర్ 4న మూడు ముళ్ల బంధంతో ఒక్కటి కాబోతున్నారు. వీరి వివాహానికి సంబంధించిన మరిన్ని వివరాలు తెలియాల్సి ఉంది.