గ్లోబల్ స్టార్ రామ్ చరణ్ హీరోగా మావెరిక్ దర్శకుడు శంకర్ కాంబినేషన్ లో ఇద్దరి కెరీర్ లో కూడా 15వ సినిమాగా ప్లాన్ చేసిన లేటెస్ట్ భారీ చిత్రమే “గేమ్ ఛేంజర్”. మరి శంకర్ నుంచి చాలా కాలం తర్వాత ఒక పక్కా మాస్ కమర్షియల్ సినిమాగా ఇది రాబోతుండగా మొన్న టీజర్ నుంచి అంచనాలు అయితే బెటర్ అయ్యాయి. ఇక లేటెస్ట్ గా ఈ చిత్రం హవా బుక్ మై షోలో కూడా మంచి ట్రెండింగ్ లో నిలుస్తుంది.
ఇంకా సినిమా రిలీజ్ కి చాలా సమయం ఉన్నప్పటికీ బుక్ మై షోలో 2 లక్షలకి పైగా ఇంట్రెస్ట్స్ ఈ చిత్రానికి ఇపుడు నమోదు కావడం విశేషం. దీనితో ఆడియెన్స్ గేమ్ ఛేంజర్ పట్ల బాగానే ఆసక్తిగా ఉన్నారని చెప్పాలి. ఇక ముందు ముందు వచ్చే ప్రమోషనల్ కంటెంట్ కూడా ప్రామిసింగ్ గా ఉంటే సంక్రాంతి బరిలో గేమ్ ఛేంజర్ ప్రభావం గట్టిగా ఉంటుంది అని చెప్పాలి. ఇక ఈ చిత్రానికి థమన్ సంగీతం అందిస్తుండగా దిల్ రాజు తమ బ్యానర్ లో 50వ సినిమాగా నిర్మాణం వహిస్తున్న సంగతి తెలిసిందే.